JAKOBO 2:19 - Biblia Ilagho Jiboie Kwa Wandu Wose

¹⁹ Oho kwarumiria angu Mlungu ni umweri, kwabonya nicha. Hata pepo rarumiria, na kusughusika.

JAKOBO 2:19 ပူးပေါင်းရင်းမြစ်များ

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 45:6

wandu wipate kumanya kufuma mashariki, na magharibi, kukaia, ndekuwadie mlungu ungi kuchumba ini; ini ne BWANA, hata ndekuwadie ungi mzima.

ISAYA 46:9

Rikumbukenyi maza ra kala, mmanye angu ne Mlungu ini, hata ndekuwadie ungi mzima; ini ne Mlungu, hata ndekuwadie ungi ufwanane nani.

JONA 4:4

BWANA ukaghamba, “Huwo koko na hachi ebonya machu?”

JONA 4:9

Ela Mlungu ukamzera Jona, “Huwo koko na hachi ebonya machu kwa wundu ghwa mmbonu?” Nao ukaghamba, “Neko na hachi ebonya machu; machu ghikate kunibwagha.”

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

MARKO 1:24

ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.”

MARKO 12:29

Jesu ukamtumbulia, “Momu ghwa imbiri nigho ughu: ‘Sikira Israeli! Bwana Mlungu odu ni Bwana umweri.

MARKO 5:7

ukakema na lwaka lubaa ukighamba, “Nawadieki kwako Jesu Mwana wa Mlungu Uko-Aighu-Nandighi? Nakuvoya kwa irina ja Mlungu, kusakenitirira!”

MARKO 7:9

Jesu ukachuria kuwizera, “Loli moko na wuya ghonyu gholegha sharia ya Mlungu, eri mughuwadie mzango ghwa mzenyu.

LUKA 4:34

“Aa! Kwakunde kudibonya wada oho Jesu wa Nazareti? Kwaacha kuditotesha? Ini nakuichi oho ko uja Mweli wa Mlungu.”

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MABONYO GHA WADUMI 19:15

Ela ija pepo izamie ikawitumbulia, “Jesu namwichi, na Paulo namwichi, ela inyo mo weke ani?”

MABONYO GHA WADUMI 24:25

Nao iji Paulo orekoghe ukija malagho aighu ya hachi, kukumazira, na kuja kutanywa kuchagha, Felike ukaobua ukaghamba, “Idana kwadima kughenda, ngapata wulalo, nikuwanga sena.”

WAROMA 3:30

Angu Mlungu ni umweri, nao uchawitala kukaia na hachi wandu wishamishiro kwa wundu ghwa irumirio jawo, na awo wiseshamishiro kwa chia ya ijo irumirio jawo wokoni.

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

1 WAKORINTHO 8:6

ela kodu isi Mlungu ni umweri, uja Aba, Muumbi wa vilambo vose; nesi kwa wundu ghwake, dadakaia moyo; na Bwana umweri Jesu Kristo, kwa chia yake uo, vilambo vose vereumbiloghe; na kwa chia yake uo, isi dakaia moyo wori.

WAGALATIA 3:20

Idana mpatanishi ndekaiagha wa mundu umweri; ela Mlungu ni umweri.

WUKUMBUSO 6:4

“Sikira ee Israeli: BWANA Mlungu odu ni BWANA umweri;

1 TIMOTHEO 2:5

Angu Mlungu ni umweri, na mpatanishi aghadi ya Mlungu na wandu ni umweri, uo mundu, Kristo Jesu;

JAKOBO 2:8

Kamanya loli inyo mwawuyaikatisha ija sharia ya kiwuzuri, kunughana na Maandiko Ghielie, “Kumkunde mmbenyu seji koni kukukunde kumoni,” ni nicha.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

JUDA 1:6

Na awo weke malaika wisererilindirieghe nguma rawo, ela werefumieghe andu werekoghe wikikaia, Mlungu orewifungieghe na minyororo ya kala na kala na kuwiwika andu kwa kira hata Ituku ibaa ja kutanywa.

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.