JAKOBO 1:9 - Biblia Ilagho Jiboie Kwa Wandu Wose

⁹ Uo mwanidu wa ndonyi, ndekukase kwa kujoswa kwake,

JAKOBO 1:9 ပူးပေါင်းရင်းမြစ်များ

ZABURI 62:9

Wandu wa ndonyi ni sa miruke cheni, na wandu wa ighu si kilambo chingi; wikapimwa, wiawuka nokoighu; waangue kuchumba miruke.

MAKATANISHO 17:5

Mundu umsekagha mkiwa, wadamdukana Muumbi wake; uhu uboilwagha ni mundu wapatwa ni ndengwa, ndechaakaia usepatire ikabo.

MAKATANISHO 19:1

Baa mkiwa uko mloli, kuchumba mkelu ughoragha tee.

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

LUKA 1:52

Awo wibonyagha nguma wawiinja vifumbinyi kwawo, na kuwijosa awo wikuserie.

LUKA 10:20

Elaima msakeboilwa kwa iri, wei pepo rawikilo aisi konyu, ela boilonyi angu marina ghenyu ghaandikilo mlungunyi.”

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 9:48

ukawizera, “Uo ose uchaammbusa mwanake uhu kwa irina japo, uaniwusa ini; na uo ose uniwusagha ini, uammbusa uo orenidumieghe. Angu uo uko mtini putu aghadi konyu, nuo moni m'baa.”

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

WUKUMBUSO 15:11

Jingi ndemsowagha wamu Waisraeli isangenyi; kwa huwo namlaghira mkaie na ngolo ndicha eneka wandu wasowekelwa.

WUKUMBUSO 15:7

“Kukakaia na mwanyinyu ungi Muisraeli andenyi ya muzi ghungi ghwa isanga mwawuyanekwa ni BWANA wakaia mkiwa kumtesie; kusemkurishire ngolo yako.

WUKUMBUSO 15:9

Kulindie kusekaie na maghesho gheleghamtesia angu mwaka ghwa mfungade gholekia sile ghuko kaavui, ukamlilia BWANA kwa wundu ghwako, ichakaia ni kaung'a kwako.

WAFILIPI 3:14

Nafunga ndighi kughenda imbiri, nipate kuvikia andu aho jiko ijo inosi nijiwangilo ni Mlungu, kwa chia ya Kristo Jesu.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.