JAKOBO 1:4 - Biblia Ilagho Jiboie Kwa Wandu Wose

⁴ Na uko kumanga kukaie kukate, nenyo mpate kukaia mkate putu, msesowagha kindo chingi.

JAKOBO 1:4 ပူးပေါင်းရင်းမြစ်များ

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

ZABURI 37:7

Kaia kima kummbesere BWANA; kuseje wasi aighu ya wandu iji wakawona nicha, ngelo wakabonya mipango ya wuwiwi.

ZABURI 40:1

Neremmbesereghe BWANA kwa irumaghio unitesie, ukanideghia kudu kwake na kusikira kililo chapo.

MAKATANISHO 4:8

Kuitale hikima nandighi, nayo ichakujosa; kukaimaziria, ichakubonya kuneko ishima.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 19:20

Uja mdawana ukamzera, “Agho ghose naghiwadie, nibonye kii chimu sena?”

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

MARKO 10:21

Nao Jesu ukamzighana kwa lukundo, ukamzera, “Ola kwasowa wundu ghumweri: ghenda kuuze ivo vose kuko navo, kuwineke wakiwa, na oho kuchakaia na mali mlungunyi; konyuma kuche kuninughe.”

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

LUKA 21:19

Kwa kurumaghia konyu, mchakira marangi ghenyu.

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

JOHANE 17:23

Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

1 WAKORINTHO 2:6

Elaima daghoragha na hikima kwa awa wizoghue kiroho, si hikima ya ngelo iri, angu ya wabonyi nguma wa ngelo iri wiidagha anduangi.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

2 TIMOTHEO 3:17

eri mundu wa Mlungu ukaie ukatie, uko tayari kubonya kula kazi ndicha.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

2 PETRO 1:9

Kwa kukaia mundu uo ose usowagha maza iri, ni kitungure usewonagha kula; nao wamerie kuliwa kukaia oreelesheroghe kaung'a rake ra kala.