JAKOBO 1:26 - Biblia Ilagho Jiboie Kwa Wandu Wose

²⁶ Ngera mndungi wakuwona moni kukaia wa dini, nao ndelumaziriagha lumi lwake, dini yake ni ya duu; nao waawuyakukalia moni.

JAKOBO 1:26 ပူးပေါင်းရင်းမြစ်များ

AYUBU 15:13

Nao kodekaiagha na machu na Mlungu hata kufunyeghe malagho ghizamie huwo momunyi kwako!

AYUBU 30:11

Kwa kukaia Mlungu waniwunjire mnyonge na kunisera, wanighalukia kwa machu mabaa.

ZABURI 141:3

Wika mlindiri momunyi kwapo ee BWANA; kusenisighe ngideda kiwiwi.

ZABURI 32:9

Msekaie sa farasi, angu nyumbu risetambukilwagha; rikundagha rifungo na lijamu ima riwonemsikira.”

ZABURI 34:13

Basi kukulindie kusedede kiwiwi, hata kughora tee ingi.

MAKATANISHO 10:19

Malagho ghikakaia mengi, ndeghisowagha kaung'a; mundu usededagha malagho mengi oko na hikima.

MAKATANISHO 10:31

Mundu wa hachi wadadeda malagho gha hikima, ela lumi lodeda malagho ghizamie luchanyamirishwa.

MAKATANISHO 14:12

Eko chia iwonekagha kukaia ndicha kwa mundu, ela kutua kwaro ni chia ya kifwa.

MAKATANISHO 15:2

Madedo gha mundu wa hikima ghadareda kumanya, ela madedo gha wakelu ghadareda wukelu.

MAKATANISHO 16:10

Mzuri wadadeda malagho kwa nguma ya Mlungu; malagho udumbuagha matuku ghose ni gha hachi.

MAKATANISHO 16:25

Eko chia iwonekagha kwa mdamu kukaia ndicha, ela kutua kwaro ni chia ya kifwa.

MAKATANISHO 19:1

Baa mkiwa uko mloli, kuchumba mkelu ughoragha tee.

MAKATANISHO 21:26

Mmbiwi uasindabwaghwa ni choyo; mhachi wadaneka hata ndeimagha.

ISAYA 1:13

Mseche kufunya vizongona va duu sena, marumba kwapo ini ni wuchafu. Kutasa kwa Ndima ra Mori Lukombe, na Sabato, na kuwanga makwanyiko. Sidimagha kurumaghia mawiwi ghenyu, na makwanyiko ghenyu ghetasa.

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

MATHAYO 15:9

Kunitasa kwawo ni kwa duu angu wadafundisha memu yawo cheni, seji ni memu ya Mlungu.’”

MARKO 7:7

Kunitasa kwawo ni kwa duu, nawo wadafundisha mafundisho gha memu yawo, seji ni memu ya Mlungu.’

LUKA 8:18

Kwa huwu, mkumanye seji msikiragha, angu uo uko nacho uchanekwa, sena uchachurilwa, ela uo usewadie, uchasokwa hata icho uririkanyagha oko nacho.”

1 WAKORINTHO 15:15

Na isi diawoneka kukaia washahidi wa tee wa Mlungu, dishuhudiagha angu Mlungu wamrukishire Kristo sena usemrukishire; ikakaia ni loli wafu ndewirukishwagha.

1 WAKORINTHO 15:2

najo jawuyamkira, ikakaia mwawuyajiwadia wokoni huwo seji neremchilieghe; isaakaia ngera modejiwusa ighu-ighu.

1 WAKORINTHO 3:18

Mndungi usakekukalia moni. Ngera mndungi aghadi konyu waghesha wei oko na hikima ya ngelo iri, ndewuye mkelu, eri upate kukaia na hikima.

WAGALATIA 2:6

Na awo weretaliloghe sa wabaa (elaima ini siwonagha wuchumbano ghungi aighu ya seji werekoghe. Mlungu ndemtalagha mndungi kuchumba mmbao anduangi) ini niaghamba awo werekoghe wabaa, ndewerenichurieghe kindo chingi anduangi.

WAGALATIA 2:9

nawo iji wawona seji ninekelo ghuja mvono, Jakobo, Kefa na Johane, wandu weretaliloghe kukaia sa nguro, werediwadieghe mkonu ghwa kiwomi ghwa wungara ini na Barnaba, dipate kughenda kwa wandu wa mbari zima, nawo wighende kwa wandu wishamishiro.

WAGALATIA 3:4

Huwo maza rose rimpatire redeeka ra duu? Ini siwonagha wei ni ra duu anduangi.

WAGALATIA 6:3

Angu mndungi ukaghesha wei oko kindo chimu, nao useko kindo chingi, uakukalia moni.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WAEFESO 5:4

Msakekaia na wuchafu ghungi, hata madedo gha kisha kisha, angu nganyi risefwanagha, ela wulalo ghwaro mumfunyire Mlungu chawucha.

WUKUMBUSO 11:16

Mkulindie, ngolo renyu risechekalikia na kughaluka na mbai kuidumikia milungu mizima na kuitasa,

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.

JAKOBO 2:20

Welee, kwakunde kuwonyero oho mundu wa maghesho mavui seji irumirio jisene mabonyo jisevagha?

1 PETRO 3:10

Angu, “Uo ujikundagha irangi na kukunda kuwona nicha, ulindie lumi lwake lusedede kiwiwi, na momu ghwake ghuseghore wukalo ghungi.