JAKOBO 1:25 - Biblia Ilagho Jiboie Kwa Wandu Wose

²⁵ Ela uo uizighanagha sharia ikatie, iyo iwikagha wandu huru, nao urumaghie, ukisikira useliwagha, ela wakaia m'bonyi ukatishagha, mundu uo ucharasimilwa kwa agho ubonyagha.

JAKOBO 1:25 ပူးပေါင်းရင်းမြစ်များ

ZABURI 106:3

Warasimilwa awo wiitalagha hachi, na kubonya agho ghiko gha loli ngelo rose.

ZABURI 119:32

Nichaghiwadia malaghiro ghako kwa kufunga ndighi, kwa kukaia oho kuchachuria kunitambushira.

ZABURI 119:45

nani nichadua moyo kwa wuhuru, angu naghinugha mafundisho ghako.

MAKATANISHO 14:15

Mkelu wadarumiria maza rose, ela mundu uwadie suku wadazighana seji ughendagha.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

JOHANE 13:17

Ngera mwaghimanya agha, mwarasimilwa mkaghibonya.

JOHANE 8:36

Na Mwana ukam'bonya kukaia wakitina, mchakaia wakitina tiki.

MABONYO GHA WADUMI 13:43

Ikwanyiko jiendasia, Wayahudi wengi na wandu winughie dini ya Kiyahudi wimuobuagha Mlungu, wikanughana na Paulo na Barnaba, nawo wikawija malagho na kuwishashira angu widuo andenyi ya mvono ghwa Mlungu.

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

MABONYO GHA WADUMI 26:22

Mlungu nuo unitesirie ngakaia hata idime, niko nakaia kimusi aha ngiwishuhudia wabaa na watini; nani siwueghora malagho ghangi mazima, ela agho gheni ghereghoreloghe ni walodi, na Musa angu ghichakaia;

WAROMA 11:22

Idana wona wucha ghwa Mlungu na kubia kwake. Wabirie kwa awo wighue, ela ni mucha kwako, ikakaia kwadua andenyi ya ugho wucha ghwake; si huwo, na oho wori kuchadumbulwa wokoni.

WAROMA 2:13

Angu si awa wiisikiragha Sharia wiko na hachi imbiri ya Mlungu anduangi, ela ni awa wikatishagha Sharia niwo wichaatalwa kukaia na hachi.

WAROMA 7:12

Kwa huwu, Sharia cheni yaelie, na ghuja momu ghwaelie; nagho ni ghwa hachi sena ghwaboie.

WAROMA 8:15

Kwa kukaia ndemorewusireghe Roho wa wuzumba sena um'bonyagha kuobua, ela morewusireghe Roho um'bonyagha kukaia wana wa Mlungu, udidimishagha kummbanga, “Abba! Aba.”

WAROMA 8:2

Angu ija Sharia ya Roho wa irangi jiko andenyi ya Kristo Jesu, yanibonyere nisekaie aisi ya sharia ya kaung'a na kifwa.

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

2 WAKORINTHO 13:5

Mkupime inyo mmbeni, mmbone ngera mwaduagha andenyi ya irumirio jenyu, mkutime inyo mmbeni. Ndemdimagha kumanya ngera Jesu Kristo oko andenyi konyu? Isaakaia ngera loli moolemwa!

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

WAGALATIA 5:1

Kwa wundu ghwa wuhuru, Kristo wadiwikie huru; kwa huwo, mangenyi gi, hata msakerumiria kungirwa ghongolo ya wazumba sena.

WAGALATIA 6:2

Mtesiane mmbeni na mmbeni, mpate kuikatisha sharia ya Kristo.

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

1 TIMOTHEO 2:15

Elaima, muka uchakia kwa chia ya kuva wana, ukadua andenyi ya irumirio, na lukundo, na wueli andwamweri na kukaia na ishima.

1 TIMOTHEO 4:16

Kukulindie kumoni, sena kughilindie mafundisho ghako; kumaziriane nagho, angu kwa kubonya huwo, kuchakukira kumoni chiaimweri na awo wikusikiriagha.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

JAKOBO 2:12

Kwa wundu ugho, dedenyi na kubonya sa wandu mchaatanywa ni Sharia ya wuhuru.

1 PETRO 2:16

Mkaie sa wandu wiko huru, ela mseghutumie wuhuru ghonyu kukaia kifuniko cha mawiwi; ela mkaie sa wadumiki wa Mlungu.

1 JOHANE 2:24

Sighenyi agho malagho moreghisikireghe kufuma imbiri ghikaie andenyi konyu. Kwa kukaia agho malagho ghikakaia andenyi konyu, niko inyo mchaakaia andenyi ya uja Mwana na andenyi ya uja Aba.

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.

1 SAMUELI 12:14

Ikakaia mchamuobua BWANA na kumdumikia, na kumsikira, hata mkaie msesighe memu ya BWANA; nao ikaie inyo chiaimweri na mzuri onyu muamnugha BWANA Mlungu onyu, mchawona nicha.