JAKOBO 1:19 - Biblia Ilagho Jiboie Kwa Wandu Wose

¹⁹ Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 1:19 ပူးပေါင်းရင်းမြစ်များ

NEHEMIA 8:18

Na kufuma ituku ja imbiri ja ndima hata ituku ja kutua, Ezra orekoghe ukishoma chuo cha Sharia ya Mlungu ituku ituku. Werebonyreghe ndima kwa matuku fungade, na ituku ja wunyanya korekoghe na ikwanyiko ibaa jefunga kunughana na mafundisho gha Sharia.

NEHEMIA 9:17

Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

NEHEMIA 9:3

Wikakaia kimusi andu koni werekoghe na kushoma chuo cha Sharia ya Mlungu wawo kwa masaa adadu, na kwa masaa ghamu adadu, werekoghe wikirumiria na kumtasa Mlungu wawo.

AYUBU 32:16

Da niaweseria angu wanyama? Weeka kimusi wisena jekutumbulia.

MAKATANISHO 10:19

Malagho ghikakaia mengi, ndeghisowagha kaung'a; mundu usededagha malagho mengi oko na hikima.

MAKATANISHO 13:3

Mundu ulindiagha madedo ghake, wadalindia irangi jake; mundu wa malagho mengi, wadanoneka.

MAKATANISHO 14:17

Mundu ojokwa ni machu shwa-shwa, wadabonya kiwukelu, ela mundu uwadie suku wadarumaghia.

MAKATANISHO 14:29

Mundu uko wa mboa kubonya machu oochulwa ni kumanya, ela mundu obonya machu shwa-shwa, uawonyera wukelu ghwake.

MAKATANISHO 15:18

Mundu wa machu wadawusira nganyi, ela mundu wa mboa wadahoresha nganyi.

MAKATANISHO 15:2

Madedo gha mundu wa hikima ghadareda kumanya, ela madedo gha wakelu ghadareda wukelu.

MAKATANISHO 16:32

Mundu usejokwagha ni machu shwa-shwa, waboie kuchumba ing'oni ja wuda; uo ukumaziriagha moni, wachumba, uo uwadagha muzi wudenyi.

MAKATANISHO 17:14

Kuzoya nganyi kooka sa kuvungua machi, kwa huwo sigha malagho imbiri marashano ghisezoye.

MAKATANISHO 17:27

Mundu uko na suku wadawadia malagho; mundu utambukilwagha wadakaia na ngolo ihorie.

MAKATANISHO 18:13

Mundu ukatumbulia malagho imbiri usesikire, ni wukelu na waya kwake.

MAKATANISHO 18:21

Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

MAKATANISHO 19:11

Kukaia na akili kwadam'bonya mundu umazirie machu ghake, nao wadaboilwa ni kulekia makosa.

MAKATANISHO 19:19

Mundu wa machu ghibirie uchalipia ikabo jake; kukatima kumvuvua, kuwuyamvuvua indo jimu sena.

MAKATANISHO 21:23

Mundu umaziriagha lumi lwake na momu ghwake uchakutanya na malagho.

MAKATANISHO 25:28

Mundu usedimagha kukumazira moni, ni sa muzi ghusena wurigha.

MAKATANISHO 29:20

Kwadima kumsuwiria mkelu kuchumba mundu udedagha malagho kisha kisha usepimagha.

MITALO 22:27

Punda uendammbona malaika wa BWANA, ukadima nandonyi ya Balaamu; Balaamu ukajokwa ni machu ukamkaba punda na mzata ghwake.

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

MARKO 12:37

Uo Daudi moni wammbanga Kristo ‘Bwana’; ukaia wada mwana wake sena?” Na jija izungu ibaa werekoghe wikimsikiria kwa kuboilwa.

MARKO 2:2

Wandu wengi wikakwanyika, hata wulalo ghungi ghokaia ghukasoweka hata mmnyangonyi koni. Nao iji orekoghe ukiwichilia jija Ilagho Jiboie,

LUKA 15:1

Nao wawadi wushuru na wakaung'a wose werekoghe wikimsoghodera wipate kumsikira.

LUKA 19:48

Ela wikasowa chia ingi ebonya, angu wandu wose werekoghe wikimsikiria kwa loli, wisekunde kuidwa ni ilagho jingi.

MABONYO GHA WADUMI 1:15

Nao matuku agho, korekoghe na ikwanyiko ja wanidu sa ighana na mirongo iwi. Petro ukawuka kimusi aghadi ya wanidu ukaghamba,

MABONYO GHA WADUMI 10:33

Niko ngakudumiria shwa wori, na oho kwabonya nicha kucha. Kwa huwu idana deko aha diwose imbiri ya Mlungu, disikire malagho ghose kwaghorelwa ni Bwana.”

MABONYO GHA WADUMI 13:48

Nao iji wandu wa mbari zima wasikira huwo, wikaboilwa na kujikasa ilagho ja Mlungu; na awo wose weretaliloghe kukaia wandu wepata irangi ja kala na kala, wikarumiria.

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

WAEFESO 4:26

Mkajokwa ni machu, msebonye kaung'a; msesighe ndoe iso mduagha na machu,

WAEFESO 4:31

Kubia kose, makai, machu, nganyi, kuzighiria, na mawiwi ghose, mtane nagho putu;

WAKOLOSAI 3:15

Sere ya Kristo ndeibonye nguma ngolonyi konyu, nayo kwa loli niyo moreiwangiloghe mkaie andenyi ya ugho mumbi ghumweri; nenyo mkaie na chawucha.

WAKOLOSAI 3:8

Ela idana, riinjenyi na mbai iri rose; machu, lubio, lubando, kusholia, na madedo ghizamie kufuma memunyi konyu.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

JAKOBO 1:16

Msakekalilwa wanidu nimkunde.

JAKOBO 1:2

Wanidu, mkapatwa ni matimo mazima-mazima, mughitale kukaia ni kuboilwa konyu,

JAKOBO 1:26

Ngera mndungi wakuwona moni kukaia wa dini, nao ndelumaziriagha lumi lwake, dini yake ni ya duu; nao waawuyakukalia moni.

JAKOBO 2:1

Wanidu, inyo muko warumirii wa Bwana Jesu Kristo, uo Bwana wa wubaa, msekaie wesaghua-saghua wandu.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

JAKOBO 3:10

Kwa ugho momu ghoni, ghafuma makaso na njowe. Wanidu, maza iri nderifwane rikaie huwo anduangi.

JAKOBO 4:11

Msakedediana kiwiwi mmbeni na mmbeni wanidu. Uo umzughunukiagha mruna angu kumtanya waaghora kiwiwi aighu ya Sharia, na kuitanya Sharia. Na kukaitanya Sharia, ndekuwueisikira; ela kwaawuya mtanyi waro.

JAKOBO 5:12

Ela aighu ya ghose wanidu, msakeghema; msegheme kwa mlungunyi, hata kwa ndoenyi, angu kwa kindo icho chose chingi kizima. Ela hee yenyu ndeikaie hee, na hata ikaie hata, msechepata kutanywa.

JAKOBO 5:19

Wanidu, ngera mndungi aghadi konyu waisigha ija loli, na mndumu ummbunje,

1 JOHANE 2:21

Namuandikia, si angu wei ndemwichi iyo loli, ela ni kwa kukaia mwaiichi; nenyo mwamanya ndekuwadie tee ingi ifumagha kwa iyo loli anduangi.