JAKOBO 1:17 - Biblia Ilagho Jiboie Kwa Wandu Wose

¹⁷ Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JAKOBO 1:17 ပူးပေါင်းရင်းမြစ်များ

KUZOYA 41:16

Josefu ukamzera mzuri, “Si ini ungi, ela Mlungu wadima kumneka mzuri matumbulio mecha.”

1 MALAGHO GHA NGELO 22:12

BWANA ndekuneke suku na kutambukilwa, eri ingelo wakuwika aighu ya Wasraeli, kupate kuwibonyera nguma kwa Sharia ya BWANA Mlungu wako.

1 MALAGHO GHA NGELO 29:19

Kumneke mwana wapo Solomoni ngolo ewadia memu yako putu na mashuhudio ghwako; upate kuiagha Hekalu ihi naifunyira vilambo.”

ZABURI 102:27

Ela oho kwadua wokoni, na miaka yako ndeisiagha.

ZABURI 122:6

Lombenyi sere kwa wundu ghwa Jerusalemu: “Ndewipate mecha awo wikukundagha.

ZABURI 136:7

Orebonyereghe miengere mibaa; lukundo lwake lukatie lwadua kwa kala.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 85:12

Hee, BWANA uchadineka icho chiboie, na isanga jedu jichafunya mavalo gharo.

MAKATANISHO 2:6

BWANA nuo unekagha hikima; kumanya na kutambukilwa kwadafuma kwake.

ISAYA 28:26

Kwa kukaia mundu uo wafundishiro nicha; Mlungu wake nuo umfundishagha.

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 46:10

Kufuma kala nadaghora maza richagha imbiri risechee, maza righorelo kon kala uko risebonyekie; ngighamba ‘Njama rapo richadua, na mipango yapo nichaikatisha;’

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

MALAKI 3:6

“Ini ne BWANA sighalukagha. Na inyo ee kivalwa cha Jakobo, ndemchaamerelwa putu anduangi.

MITALO 11:17

Nani nichasea aho nidedanye na oho, na kuwusa ifungu jimu ja roho yako, nijingire kwawo, nawo wichakutesia kuduka msigo ghwa awa wandu, eri kuseghudukeghe kuekeri.

MITALO 11:25

Niko BWANA ukasea andenyi ya iwingu ukaghora na Musa, nao ukawada ifungu ja roho erekoghe na Musa, ukajiwika aighu ya awo waghosi mirongo mfungade; hata iji iyo roho yawiseria, wikafunya wulodi. Ela ndewichebonya huwo sena anduangi.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

MATHAYO 7:11

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

LUKA 11:13

Ikakaia inyo muko wawiwi, mwaichi kuwineka wana wenyu manosi mecha, Aba wa mlungunyi uchachumba saki kuwineka Roho Mweli awa wimlombagha?”

JOHANE 1:9

Ugho mwengere ghorekoghe ghwa loli, ghuchee wurumwengunyi kumlangalishira kula mdamu.

JOHANE 3:27

Johane ukawizera, “Mndungi ndedimagha kukaia na kilambo chingi ngera usenekelo ni Mlungu.

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAEFESO 1:18

Meso gha ngolo renyu ghineko mwengere, eri mpate kumanya wammbangie kwa isuwirio ja indoki, na ni mali rifwane wada ra ifwa ja wubaa ghwake riko andenyi ya waeli.

WAEFESO 2:8

Angu mookirwa kwa mvono kwa chia ya irumirio; najo si ibonyo jenyu jingi, ni inosi ja Mlungu;

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

WAEBRANIA 13:8

Jesu Kristo nuo moni ighuo, na idime, na hata kwa kala na kala.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 3:15

Hikima iyo siyo ingi ifumagha mlungunyi, ela ni ya ndoenyi, iseko ya kiroho, nayo ni ya Ibilisi.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 JOHANE 1:5

Agha nigho malagho dereghisikireghe kufuma kwa Mwana wake; nesi damchilia inyo kukaia, Mlungu ni mwengere, na andenyi kwake ndekuwadie kira chingi anduangi.

1 JOHANE 4:10

Ulu nilo lukundo, si angu wei deremkundieghe Mlungu, ela uo nuo oredikundieghe, hata ukamduma Mwana wake upate kukaia wushano kwa wundu ghwa kaung'a redu.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.

1 SAMUELI 15:29

Sena Mlungu, uo uko Wubaa ghwa Israeli ndeghoragha tee hata ndeghalukagha sa mdamu anduangi.”