JAKOBO 1:16 - Biblia Ilagho Jiboie Kwa Wandu Wose

¹⁶ Msakekalilwa wanidu nimkunde.

JAKOBO 1:16 ပူးပေါင်းရင်းမြစ်များ

MATHAYO 22:29

Jesu ukawitumbulia, “Mwakosa kwa kulemwa ni kughimanya Maandiko na ndighi ra Mlungu.

MARKO 12:24

Jesu ukawizera, “Aho niko mwakosera, kwa kukaia mseghimanyagha Maandiko hata ndighi ra Mlungu anduangi.

MARKO 12:27

Nao moni ndekaiagha Mlungu wa wafu anduangi, ela wa awa wiko moyo. Mwakosa nandighi inyo.”

MABONYO GHA WADUMI 1:15

Nao matuku agho, korekoghe na ikwanyiko ja wanidu sa ighana na mirongo iwi. Petro ukawuka kimusi aghadi ya wanidu ukaghamba,

1 WAKORINTHO 6:9

Huwu ndemmanyire angu wawiwi ndewichaapata ifwa ja wuzuri ghwa Mlungu? Msakekalilwa; walaki, watasi milimu, wandu wiselagha na waka wa wandu, womi wikubonyagha weni sa waka, na womi wikanyagha na womi sa waka,

WAGALATIA 6:7

Msekalikie, Mlungu ndesekwagha; angu icho chose mundu uchiwagha, nicho cheni uchaachikuwida wori.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAFILIPI 4:1

Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

WAKOLOSAI 2:4

Naghora huwu, eri mndungi usemkalie kwa madedo gha wukalo.

WAKOLOSAI 2:8

Manyenyi mndungi usakemlaghasha kwa mafundisho na makalio ghake gha duu, kwa kunugha mizango ya wandu, na mafundisho gha pepo, ghiseko gha Kristo anduangi.

2 TIMOTHEO 2:18

Wandu wilagharilo ni irumirio, hata wiaghamba wei kuruka kwa wafu kwamerie kuida, nawo waawuyajinona irumirio ja wandu wamu.

WAEBRANIA 13:1

Uko kukundana kwa wanidu ndekuduo.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 1:2

Wanidu, mkapatwa ni matimo mazima-mazima, mughitale kukaia ni kuboilwa konyu,

JAKOBO 2:1

Wanidu, inyo muko warumirii wa Bwana Jesu Kristo, uo Bwana wa wubaa, msekaie wesaghua-saghua wandu.

JAKOBO 2:14

Wele wanidu, ni fwaidaki mundu kughora wei oko na irumirio, mabonyo ghiseko? Ijo irumirio jake jadima kumkira?

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

JAKOBO 3:1

Wanidu, wengi wenyu msekaie walimu, angu mwamanya kukaia isi dawuyafundisha, dichatanywa nandighi kuchumba.

JAKOBO 3:10

Kwa ugho momu ghoni, ghafuma makaso na njowe. Wanidu, maza iri nderifwane rikaie huwo anduangi.

JAKOBO 4:11

Msakedediana kiwiwi mmbeni na mmbeni wanidu. Uo umzughunukiagha mruna angu kumtanya waaghora kiwiwi aighu ya Sharia, na kuitanya Sharia. Na kukaitanya Sharia, ndekuwueisikira; ela kwaawuya mtanyi waro.

JAKOBO 5:12

Ela aighu ya ghose wanidu, msakeghema; msegheme kwa mlungunyi, hata kwa ndoenyi, angu kwa kindo icho chose chingi kizima. Ela hee yenyu ndeikaie hee, na hata ikaie hata, msechepata kutanywa.

JAKOBO 5:19

Wanidu, ngera mndungi aghadi konyu waisigha ija loli, na mndumu ummbunje,