ISAYA 9:7 - Biblia Ilagho Jiboie Kwa Wandu Wose

⁷ Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

ISAYA 9:7 ပူးပေါင်းရင်းမြစ်များ

2 SAMUELI 7:16

Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

2 WAZURI 19:31

angu agho masighariko gha wandu wichafuma Jerusalemu, na awo wivuvukagha, wichafuma Mghondi ghwa Sioni. Wudimi ghwa BWANA ghuchakatisha ilagho ijo.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 16:5

Niko icho kifumbi cha nguma chichamangishwa kwa lukundo lukatie, na umu wa kivalwa cha Daudi uko mloli uchachiseria, uo utanyagha ukilola hachi, nao ndemukagha kubonya hachi.)

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 37:32

Huwo kuchakaia na masighariko gha wandu kufuma Jerusalemu, ee, kufuma Mghondi ghwa Sioni, kuchakaia na masighariko gha wandu. BWANA wa majeshi uchabonya huwo, kwa wundu ghwa iriso uko najo.

ISAYA 40:10

Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 42:13

BWANA wafuma karakara na ing'oni, wawukwa ni mware na kukema kara kara na mundu wa wuda; kuwonyera ndighi rake kwa wamaiza wake.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

HAGAI 2:9

Wubaa ghwa Hekalu mbishi ghuchakaia mungi kuchumba ghuja ghwa kala, na aho nichawineka wandu wapo mecha na sere.” BWANA Uwadie-Ndighi-Rose waghamba.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

JOHANE 12:34

Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

WAEBRANIA 1:8

Ela kwa Mwana waghamba huwu, “Kifumbi chako cha nguma ee Mlungu chadua kwa kala na kala, mzata ghwa nguma ghwa hachi, ni mzata ghwa nguma ghwa wuzuri ghwako.

WAEBRANIA 7:24

ela Jesu wadua na wukohani ghwake toe, angu uduagha kwa kala na kala.

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.