ISAYA 9:20 - Biblia Ilagho Jiboie Kwa Wandu Wose

²⁰ Wandu wakukwanyira vindo andu kose isangenyi, na kuja icho chose wichiwonagha, ela wasigharika wiko njala wokoni; hata wiaja wana wawo weni.

ISAYA 9:20 ပူးပေါင်းရင်းမြစ်များ

MCHILI 4:5

Wadaghamba kukaia mkelu wadakucha mikonu yake na kukubwagha na njala.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 14:30

Wavalwa wa imbiri wa mkiwa wichaja, na awo wisowagha wichalala banana; ela kivalwa chenyu inyo Wafilisti nichachibwagha kwa njala, na masighariko ghenyu nichawibwagha.

ISAYA 3:1

Olenyi Bwana, uo BWANA wa majeshi, uchainja kula kilambo chisuwirilwagha ni wadamu, kufuma Jerusalemu na kufuma Juda; ikaiagha ni vindo, ikaiagha ni machi.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 51:19

Kwapatiro ni malagho awi, wasi na kunoneka, njala na wuda; ndekuwadie mndungi okuhoresha.

ISAYA 8:21

Wandu wichamara-mara isangenyi wiko na wasi na njala, nawo wichachulwa ni machu kwa wundu ghwa njala hata widime wamsholia mzuri na Mlungu wawo, wikighaluka na kuzighana nokoighu.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 19:9

Nani nichawibonya wije nyama ra wana wawo wa womi na wa waka. Kula mundu uchaja nyama ya mmbao kwa wundu ghwa wasi ghwa uko kurughailwa ni awo wabwaghi wawo wighilolagha marangi ghawo.’

KILILO CHA JEREMIA 4:10

Wasi ghorewichieghe wandu wapo ni ghoobosha; weke mao wiko na lukundo wikawidoghosa wana wawo weni wiwuye vindo!

MIKA 6:14

Kuchaja, ela ndekuchaaghuda; kuchasigharika na njala yako wokoni. Kuchaduka vilambo, ela ndevichaawikika; na icho chose kuchachiwika akiba, nichachinona na wuda.

ZEKARIA 11:9

Niko ngarizera ng'ondi, “Siwuyaamlisha sena. Iro riko refwa, nderifo; iro riko renonwa, nderinono, na iro risigharikagha, richatoteshana reni na reni.”

MARKO 3:24

Na wuzuri ghukareda mawaghanyiko, ndeghudimagha kumanga anduangi.