ISAYA 9:17 - Biblia Ilagho Jiboie Kwa Wandu Wose

¹⁷ Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

ISAYA 9:17 ပူးပေါင်းရင်းမြစ်များ

AYUBU 15:34

Wandu wisewadie kuobua kwa Mlungu, ndewichaakaia na kivalwa chingi, na modo ghucharikora nyumba riaghilo kwa kuhongwa.

ZABURI 109:12

Mndungi usemmbonie wughoma, hata kuwadwa ni wughoma ghwa wana wake wakiwa!

ZABURI 147:10

Ndeboilwagha ni farasi riwadie ndighi, hata ndeboilwagha ni masikari ghiwadie ndighi,

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 10:2

Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 13:18

Wichabwagha wandu wa irika kwa ndana na mawanu ghawo. Ndewichaakaia na wughoma gungi kwa wana wiongagha, hata kuwiwonia wughoma wana watini.

ISAYA 14:20

Oho ndekuchaarikwa kwa ishima sa wazuri wazima, kwa kukaia kwajinonie isanga jako, na kuwibwagha wandu wako. “Marina gha kivalwa cha wawiwi jingi ghisekumbuko.

ISAYA 24:5

Ndoenyi kwanoneka kwa wundu ghwa wandu wake, kwa kukaia warinona sharia na kulegha memu yake; nawo wajichikanya ijo ilaghano ja kala na kala.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 31:2

Na uo nuo uwadie hikima, nuo utoteshagha. Uo ndeghalusagha malagho ghake, ela uchawikaba awo wibonyagha wuwiwi, na awo wiwitesiagha wabonyi kiwiwi.

ISAYA 31:3

Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

ISAYA 33:11

Mipango enyu ni ya duu, eeka sa kuwa makozi na kukuwida matasa; miruke enyu yawuya modo ghommeria mmbeni.

ISAYA 33:12

Wandu wichawuya seji weekorwa na kuwuya chokaa; wichawuya sa minjwa idemelo na kukorwa modonyi.

ISAYA 40:30

Wadawana wichadumbuka na kusilwa ni ndighi, na wandu wa irika wichaghwa kwa wundu ghwa kusilwa;

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ISAYA 9:21

Manase na Efraimu wialwa weni na weni, na ii chia wiabonya wuda na Juda. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

AMOSI 8:13

Ngelo iyo, wai wighokie na wadawana wichadumbuka kwa wundu ghwa kau.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

ZEKARIA 9:17

Maza richakaia nicha saki! Wandu wa irika wichakaia na ndighi kwa wundu ghwa viro na divei.

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MATHAYO 16:3

Luma lwa nakesho mwadaghamba, ‘Idime kuchakaia na kiremba kibaa, angu mlungunyi kwatinika na kukaia na marundu.’ Idana inyo mwaichi kutambua vimu kwa kuzighana mawingunyi, nenyo mwalemwa ni kutambua malagho gha ngelo iri.