ISAYA 9:11 - Biblia Ilagho Jiboie Kwa Wandu Wose

¹¹ Kwa huwo BWANA wawusira wamaiza aighu yawo, wipate kuwikaba.

ISAYA 9:11 ပူးပေါင်းရင်းမြစ်များ

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 WAZURI 16:9

Mzuri wa Ashuru ukamsikira, ukaghujokia muzi ghwa Dameshki ukaghuwada; na kudwa wandu waro wunyika hata Kiri; ukam'bwagha Rezini.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 7:1

Ngelo ya Mzuri Ahazi, mwana wa Jothamu, wawae Uzia, mzuri wa Juda, Resini mzuri wa Siria na Peka mwana wa Remalia, mzuri wa Israeli, werechieghe Jerusalemu kubonya wuda, ela ndeweredimieghe kughuwada ugho muzi anduangi.

ISAYA 7:8

Kwa kukaia muzi m'baa ghwa Siria ni Dameshki, na m'baa waro ni Mzuri Resini. Na kwa wundu ghwa Israeli andenyi ya miaka mirongo irandadu na misanu, wichakaia wameria kusaghisika wisekaie mbari sena.