ISAYA 8:7 - Biblia Ilagho Jiboie Kwa Wandu Wose

⁷ ola, nichawiredia mzuri wa Ashuru na wubaa ghwake ghose, upate kuwuka aighu ya wandu wa Juda, kara kara na moda ghwa Eufrate ingelo ghuchuagha machi na kudika-dika.

ISAYA 8:7 ပူးပေါင်းရင်းမြစ်များ

KUZOYA 6:17

Nao ola nichareda gharika ndoenyi kose, nipate kunona kula mumbi ghuko na miruke ya irangi aisi ya mlungunyi; na icho chose chiko ndoenyi chichafwa.

2 WAZURI 19:32

“Kwa huwo BWANA waghora huwu aighu ya mzuri wa Ashuru, ‘Ndechaangia andenyi ya ughu muzi hata kukumba iwanu aho; ndechaaghucha uko na ngao, hata kughurughaia wurigha naighu yaro anduangi.

EZRA 4:10

na wandu wazima wa iyo mbari erebarishiroghe ni Ashurbanipali mundu m'baa wa ishima, ikaghenjwa na kuwikwa mizinyi ya Samaria na andu kuzima isangenyi jiko magharibi ya Moda ghwa Eufrate.”

ZABURI 46:4

Ghoko moda dumeda dwaro duredagha kuboilwa mzinyi kwa Mlungu, andu kuelie kokaia kwa Uo-Uko-Aighu-Nandighi.

ZABURI 72:8

Kumneke kubonya nguma kufuma bahari hata bahari, na kufuma Moda ghwa Eufrate hata kutua kwa ndoenyi.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 11:15

Na BWANA uchaghuomera putu mwanya ghwa bahari ya Misri, sena uchawetesha mbeo mbaa eomera, nayo ichaomera Moda ghwa Eufrate na kusighara meda mitini mfungade, idimagha kuruwukwa kwa maghu.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 28:17

Nichaibonya loli kukaia kamba epimia na hachi ikaie timazi. Vua ya magho ichainja iyo tee mwawuyaisuwiria, na machi ghichadwa agho mwawuyaghisuwiria.”

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

ISAYA 7:17

“BWANA uchareda mzuri wa Ashuru ukuredie wasi oho, na wandu wako, na kivalwa chose cha kiwuzuri, jingi kuseghuwonie kufuma ituku Israeli orekutanyireghe na Juda.

ISAYA 7:20

“Ngelo iyo, Bwana uchatumia mzuri wa Ashuru kuandika kinyozi kwa ngelo vui kufuma kimonu cha Moda ghwa Eufrate omuara maridia gha vongonyi konyu, mafuri gha maghu ghenyu na sombe renyu.

JEREMIA 47:2

Ukaghamba, “Wonenyi machi ghawuyacha kufuma kaskazinyi; ghichacha kwa wungi sa moda m'baa; ghichafinikira isanga na kula kilambo chiko aho, iyo mizi na wandu wikaiagha andenyi yaro. Wandu wichalila nandighi, na kula mundu uko isangenyi uchalila na kukema mchungu.

JEREMIA 51:42

Babuloni yamilwa ni bahari, yafinikirwa ni mivo-mivo yaro irurumagha.

EZEKIELI 26:19

Bwana MLUNGU waghamba huwu, “Ngameria kukubonya kuwuye muzi ghusighilo duu, kara kara na mizi isekailwagha ni wandu, iji nareda machi mengi ghikuidagha naighu na kukufinikira,

DANIELI 11:10

“Wana wa mzuri wa Siria wichakuboisa kwa wuda; wichakwanya wandu na kubonya ijeshi ibaa, nawo wichaghenda kwa wungi na kubonya wuda hata ngomenyi rake.

DANIELI 11:22

Ijeshi jimtangalagha uchajiinja; uchainja hata na Mkohani M'baa wa Mlungu.

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

AMOSI 8:8

Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri.

AMOSI 9:5

BWANA Uwadie-Ndighi-Rose wadaadada ndoe nao isughusike; wandu wose wikaiagha aho walila. Wurumwengu ghose ghwawuka na kusea sa Moda ghwa Naili.

MIKA 1:9

Kushoghonoka kwa Samaria ndekudimagha kuboa; Juda walighisa kupatwa ni wasi ugho ghoni; wuwiwi ghwacha hata mbengenyi ra Jerusalemu, andu wandu wapo wikaiagha.”

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.

NAHUMU 1:8

Ela uchawimeria wamaiza wake putu sa kudwalwa ni machi mengi; uchawighenja wamaiza wake cha kifonyi.

LUKA 6:48

Wafwanana na mundu uaghagha nyumba yake, nao ukakota ndenyi, na kuagha msingi ghwake aighu ya igho; kukacha kusalama kwa machi, na moda ghukaikaba ija nyumba, nayo ndeerenyavurikieghe anduangi, angu ereaghiloghe aighu ya igho.

WUFUNUO 17:15

Uo malaika ukanizera sena, “Agho machi kughiwonie, andu ijo ilaya jiseagha kidombo, ni mazungu gha wandu, na mbari, na viteto.