ISAYA 8:20 - Biblia Ilagho Jiboie Kwa Wandu Wose

²⁰ Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

ISAYA 8:20 ပူးပေါင်းရင်းမြစ်များ

EZRA 10:3

Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

ZABURI 119:130

Mawonyero ghako ghadareda mwengere; ghadamneka mkelu akili.

ZABURI 78:5

Orewikieghe memu kwa kivalwa cha Jakobo, ukawineka wandu wa Israeli sharia; ukalaghira weke aba wirifundishe wana wawo,

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ISAYA 1:10

Sikirenyi lwaka lwa BWANA, inyo wabonyi nguma wa Sodoma; deghenyi madu msikire mafundisho gha Mlungu odu, inyo wandu wa Gomora.

ISAYA 8:16

Kughufunge ugho wushuhuda na kuikaba muhuri sharia aghadi ya wanughi wapo.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

MIKA 3:6

“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.”

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 22:29

Jesu ukawitumbulia, “Mwakosa kwa kulemwa ni kughimanya Maandiko na ndighi ra Mlungu.

MATHAYO 6:23

Ela iriso jako jikakaia mkongo, mumbi ghwako ghose ghuchachua kira. Idana ugho mwengere ghuko andenyi kwako ghukakaia kiralee, chichakaia kira kibaa saki!

MARKO 10:3

Jesu ukawitumbulia kwa kuwikotia, “Welee, Musa oremzerieghe wada?”

LUKA 10:26

Jesu ukamtumbulia, “Yaandikilo wada Sharienyi? Kwashomagha wada?”

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

WAROMA 1:22

Nawo wikighamba wei wawadie suku, wikawuya wakelu;

2 PETRO 1:19

Na ijo ilagho ja wulodi, jikachuria kuwoneka kukaia ja loli kuchumba. Nenyo mchabonya nicha mkajizighana, seji mzighanagha taa ikiaka andu kwa kira; hata jija Ituku jiche, na nyerinyeri ya luma lwa nakesho ibuke ngolonyi konyu.

2 PETRO 1:9

Kwa kukaia mundu uo ose usowagha maza iri, ni kitungure usewonagha kula; nao wamerie kuliwa kukaia oreelesheroghe kaung'a rake ra kala.