ISAYA 8:19 - Biblia Ilagho Jiboie Kwa Wandu Wose

¹⁹ Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

ISAYA 8:19 ပူးပေါင်းရင်းမြစ်များ

KUZOYA 41:24

Na ivo vanga mfungade visuse vikamila vija vanga mfungade viboie. Nawighoria waghanga wose, ela ndekuwadie ungi wanighoria kutambua kwaro anduangi.”

2 WAZURI 1:3

Ela malaika wa BWANA ukamzera mlodi Elija, Mtishbi, “Wuka, kwendekwana na wandu wadumwa ni mzuri wa Samaria kuwizere, ‘Welee, huwo Mlungu oosoweka Israeli kwendaakotia malagho kwa Baalzebubu mlungu ghwa Ekroni?’

2 WAZURI 21:6

Ukamfunya mwana wake ukaie kizongona chekora, ukakufundisha kulaghua na kurighita na kulomba njama kwa wandu wa pepo na wasawi; ukam'bonyera BWANA kaung'a na kum'bonya ujoko ni machu.

2 WAZURI 23:24

Sena Josia ukawiinja wandu welomba njama kwa roho ra wafu, na wasawi na fwana retaswa, na milimu, na maza ra wuchafu rose rerewonekieghe andenyi ya isanga ja Juda, na andenyi ya Jerusalemu; eri upate kughimangisha malagho gha chuo chereshomeloghe ni mkohani, icho cherewonekieghe andenyi ya Hekalu.

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

2 MALAGHO GHA NGELO 33:6

Ukawikora wana wake wikaie kizongona Vololonyi ya Hinomu; ukalaghua, ukanugha mizwana, ukabonya wusawi, na kunugha maza ra pepo retambua maza. Ukabonya mawiwi loli loli imbiri ya BWANA, na kum'bonya ujoko ni machu.

ZABURI 106:28

Niko wandu wa Mlungu wikangia kutasa mlungu ghuwangwagha Baali aja Peori, wikaja vizongona vifunyiro kwa milungu.

ISAYA 19:3

Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

ISAYA 26:14

Awo wamerie kufwa, ndewichaakaia moyo; wamerie kuwuya visuka ndewichaawuka, Oho kwamerie kuwikaba na kuwinona, ndewichaakumbukwa sena anduangi.

ISAYA 29:4

Lwaka lwa Jerusalemu luchasikirika kondonyi ndoenyi; madedo ghake ghichasikirika kufuma terinyi; lwaka lwake luchasikirika sa lwaka lwa kisuka, lukihohoria kufuma terinyi.

ISAYA 30:2

Wandu wifumagha kughenda cha Misri wiselolie njama kwapo. Wakusaghika na wulindiri ghwa mzuri, na kubonya Misri ikaie kiju chawo.

ISAYA 45:11

BWANA, Mlungu Mweli wa Israeli, na Muumbi waghamba, “Welee, kwadima kunikotia makoto aighu ya wana wapo? Kwadima kunilaghira seji ifwane nibonye aighu ya kazi rapo?

ISAYA 47:12

Manga gi kwa wughanga ghwako na wusawi ghwako mungi; ugho kughudumikie kufuma wanake ghwako. Kewada kwadima kusima, hata kudime kwawingira wowa wamaiza wako.

ISAYA 47:13

Wanjama wako wengi wakusirishire ndighi, ndewikaie kimusi ima, wikukire; awo wizighanagha mlungunyi, na kurishoma nyerinyeri nawo waloda ngelo ya mori mmbishi, na kukughoria malagho ghako gha ngelo richagha.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 27:9

Kwa huwo msakewisikiria awo walodi, angu wawoni mawono gha maza richagha, angu walodi ndodo, angu waghori na pepo retambua maza richagha, angu walaghui; awo wimzeragha wei ndemchaamdumikia mzuri wa Babuloni kungi.

WALAWI 19:31

“Kuselole njama kwa wandu widedanyagha na roho ra wandu wifuye angu wasawi, kuchelushwa; ini ne BWANA Mlungu wako.

WALAWI 20:6

“Mndungi ukaghenda kulola njama kufuma kwa walaghui wa pepo ra wafu na wasawi, nichalwa nao, nani nichamtanya na wandu wapo.

MIKA 5:12

Nichainja wusawi ghwako, hata ndemchaakaia na wandu wangi wemghoria malagho sena anduangi.

MABONYO GHA WADUMI 16:16

Nao iji derekoghe dikighenda andu kolombia Mlungu, dikakwana na mwai mzumba umu uko na roho mbiwi ya wulodi, ukakaia ukiwipatira weke bwana wake fwaida nyingi kwa wulodi ghwake.

WUKUMBUSO 18:10

Mndungi onyu usewoneke ukimfunya mwana wake wa womi angu wa waka kizongona kwa kumuisa aghadi ya modo, angu mndungi ulaghuagha,

WUKUMBUSO 18:11

angu mundu obonyera wandu mbingu, angu mundu odedanya na roho ra wandu wifue angu msawi, angu mundu olomba wafu.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

2 PETRO 2:1

Ela na walodi wa tee wori werewukieghe aghadi ya wandu, sa iji koni kuchaakaia na walimu wa tee aghadi konyu, awo wichaareda kwa kiviso mafundisho gha tee ghenona, hata kumkana uo Bwana orewighueghe; nawo wichakuredia weni kutota kwa shwa-shwa.

1 SAMUELI 28:11

Uja muka ukamkotia, “Kwakunde nikuwangie ani?” Ukaghamba, “Niwangie Samueli.”

1 SAMUELI 28:16

Samueli ukamzera, “Kwaki kunikotiagha ini ikakaia Mlungu moni wakusigha na kuwuya m'maiza wako?

1 SAMUELI 28:7

Nao Sauli ukawizera wabaa wake, “Nilolienyi muka ungi ulaghuagha, nipate kukotia malagho kwake.” Wabaa wake wikamzera, “Ola mlaghui umu oko Endori.”

1 SAMUELI 28:8

Sauli ukakughalua, ukarwa marwao mazima. Ukaghendanya na wandu wawi, wikacha kwa uja muka nakio. Nao Sauli ukamzera, “Nilaghuye kwa kutumia maroho, nao kuniwangie mundu uo ose nichaamkunda kwa irina jake.”