ISAYA 8:18 - Biblia Ilagho Jiboie Kwa Wandu Wose

¹⁸ Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

ISAYA 8:18 ပူးပေါင်းရင်းမြစ်များ

KUZOYA 33:5

Hata iji Esau wawusira meso ghake na kuzighana, ukawiwona waja waka na wana ukaghamba, “Ni weke ani awa mkwanye?” Jakobo ukaghamba, “Ni wana awa Mlungu uninekie ini mdumiki wako kwa wucha ghwake.”

1 MALAGHO GHA NGELO 23:25

Daudi ukaghamba, “BWANA Mlungu wa Israeli, wawinekie sere wandu wake; nao wadakaia Jerusalemu matuku ghose.

ZABURI 22:30

Kivalwa chichagha chichamdumikia, wandu wichachighoria kivalwa chichagha malagho gha BWANA;

ZABURI 71:7

Ini nakaie sa kilambo cheshinikilwa kwa wengi, ela oho ko andu kwapo kumange kokimbiria.

ZABURI 9:11

M'borienyi makaso uo BWANA ukaiagha Sioni! Wighorienyi wandu mabonyo ghake!

ZABURI 9:12

Mlungu wadawikumbuka awo wijagha wasi; ndeliwagha kililo chawo, nao wadawikaba awo wiwikorongagha.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 20:3

BWANA ukaghamba, “Sa iji mdumiki wapo Isaya waghenda duu, na maghu maduu, kwa miaka idadu kukaia alama na mashiniko aighu ya Misri na Ethiopia;

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

ISAYA 7:16

Angu imbiri ya uo mwana kumanya kulegha mawiwi na kusaghua mecha, isanga ja awo wazuri wawi kwawuyawiobua jichasighwa iduu.

ISAYA 7:3

Niko BWANA ukamzera Isaya, “Ghenda kukwane na Mzuri Ahazi, oho na mwana wako Sheari-Jashubu; kuchamkua chienyi andu wafui nguwo wibonyagha kazi, kutuonyi kwa ghuja mkua ghuredagha machi kufuma kiriwa cha lughu,

ISAYA 8:3

Niko ngamghendia uja mlodi wa waka mkwapo, nao ukapata kifu, ukava mwana wa womi. BWANA ukanizera, “Mmbange, ‘Maher-shalal-hash-bazi;’

JEREMIA 44:29

Ihi niyo ichaakaia alama emmbonyera, kukaia, nichamkaba andenyi ya iji isanga, eri mpate kumanya angu ilagho japo jichakatia aighu yenyu kwa wundu ghwa wuwiwi mughubonyere.

EZEKIELI 12:6

Kuchaduka msigo ghwako na iyonge wikizighanira, kufume nagho a kirenyi kwafinikira wushu ghwako, eri kusewone isanga; kwa kukaia neekubonya oho kukaie alama kwa wundu ghwa wandu wa Israeli.”

EZEKIELI 14:8

Mundu uo, nichamzighana kiwiwi na kum'bonya uwuye alama ezighanwa sa kilambo chisefwane; nani nichamuinja aghadi ya wandu wapo, nenyo mchamanya kukaia ini ne BWANA.

EZEKIELI 4:3

Nao kuwade sahani ya chuma, kuiwike sa wurigha ghwa chuma aghadi yako na ugho muzi, ima kughuzighaneghe ugho muzi. Kughusighe ghuwonekeghe seji ghoorughailwa, na oho kuchurie kughurughaia. Iyo ichakaia alama kwa wundu ghwa wandu wa Israeli.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

LUKA 2:18

Na wose weresikireghe wikashinika kwa agho wereghoreloghe ni walisha.

LUKA 2:34

Nao Simeoni ukawirasimia ukamzera Maria, mae mwana, “Ola mwana uhu wawikwa kwa wundu ghwa kughwa na kuwuka kwa wengi andenyi ya Israeli, na kwa alama etangalwa ni wandu;

WUKUMBUSO 28:46

Njowe iri richakaia aighu konyu, na aighu ya wana wenyu sa alama na mashiniko kwa kala na kala.

WAEBRANIA 10:33

Ngelo rimu mkisholelwa worinyi na kukorongwa, na ngelo rimu mkikaia ngara na awo werekoghe wikibonywa huwo.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;