ISAYA 8:16 - Biblia Ilagho Jiboie Kwa Wandu Wose

¹⁶ Kughufunge ugho wushuhuda na kuikaba muhuri sharia aghadi ya wanughi wapo.

ISAYA 8:16 ပူးပေါင်းရင်းမြစ်များ

2 WAZURI 11:12

Niko Jehoiada ukamfunya uja Joashi mwana wa mzuri, ukamngira kirumbu chongonyi kwake na kumneka chuo cha malaghiro gha wuzuri mkonunyi kwake; wikamdunga mavuda na kumghora kukaia ni mzuri. Wikamkabia chui wikighamba, “Kuduo moyo ee mzuri.”

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

ISAYA 54:13

Nichawifundisha wana wako wose, nawo wichawona nicha na sere.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

MARKO 10:10

Wiendangia nyumbenyi, wanughi wake wikamkotia sena ilagho ijo.

MARKO 4:34

hata kuseko na mfwano ndereghorieghe nawo anduangi; ela iji werekoghe wiekeri, ukawitambuya wanughi wake maza rose.

1 WAKORINTHO 2:14

Mundu wa tabia ya asili, ndedimagha kughiwusa manosi gha Roho wa Mlungu, angu kwake ni wukelu; nao ndedimagha kughitambua anduangi, angu ghiatambulwa kwa chia ya Roho.

WUKUMBUSO 4:45

naro niro kanuni, na sharia, na malaghiro agho Musa orewighorieghe iji werefumieghe Misri,

WAEBRANIA 3:5

Na Musa orekoghe mloli andenyi ya nyumba yose ya Mlungu sa mdumiki, upate kushuhudia maza rechaadedwa konyuma ni Mlungu.

WUFUNUO 10:4

hata iji iro chukuwa mfungade rerededieghe, ngakunda kuandika; ela neresikireghe lwaka kufuma mlungunyi lukighamna, “Agho malagho gha chukuwa radeda, ni ngasu; kusakeghiandika.”

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 5:5

Niko umu wa awo waghosi ukanizera, “Leka lila; hoja uo Shimba wa mbari ya Juda, wa kivalwa cha Daudi, uo wamerie kusima; nao wadima kuifungua iyo mihuri mfungade, na kuchikuchua icho chuo.”