ISAYA 8:13 - Biblia Ilagho Jiboie Kwa Wandu Wose

¹³ Ela kunitale ini moni BWANA wa majeshi kukaia Mweli, na kuniobua ini moni, ini nikaie kuobua kwako.

ISAYA 8:13 ပူးပေါင်းရင်းမြစ်များ

KUZOYA 31:53

Mlungu wa Abrahamu na Mlungu wa Nahori, Mlungu wa weke aba ndetanye aghadi kodu.” Nao Jakobo ukaghema kwa Mlungu uo ndee Isaaka umuobuagha.

ZABURI 76:7

Oho BWANA kwadaobolwa ni wandu wose; kukajokwa ni machu lee, nani udimagha kukaia kimusi imbiri kwako?

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

ISAYA 29:23

Kwa kukaia ngelo uchaawiwona wana wake aghadi yake, nawo ni kazi ya mikonu yapo, niko wichaajielesha irina japo, wimkase Mlungu, Mweli wa Israeli, na kumshinikia Uo Mlungu wa Israeli.

ISAYA 5:16

Ela BWANA wa majeshi uchajoswa kwa hachi, na Mlungu uo Mweli wakuwonyera moni kukaia mweli kwa loli.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WALAWI 22:32

Mselushe irina japo ja wueli, ela nicharumirilwa kukaia mweli aghadi ya wandu wa Israeli; Ini ne BWANA, uo ukueleshagha oho;

MALAKI 2:5

“Andenyi ya ilaghano japo, nerewilaghirieghe irangi na kuwona nicha, Nerewinekieghe ijo ilaghano, eri wipate kunineka ishima; nawo wikaniobua na kunineka ishima.

MITALO 27:14

angu morejileghieghe ilagho japo aja kireti cha Sini, iji izungu jerenizughunukiagha, mkalemwa ni kunikuma imbiri yawo aja machinyi.” (Agho ni ghaja machi gha Meriba, aja Kadeshi kireti cha Sini).

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

WAROMA 4:20

Ndekorekoghe na ngera ingi em'bonya userumirie ilaghiro ja Mlungu, ela ukachuria kurumiria ukimneka Mlungu wubaa;

WUKUMBUSO 14:23

Ijo ifungu ja ikumi ja viro vako na divei na mavuda, na wavalwa wa imbiri wa mfugho rako na ng'ondi, kuchajijia andu uko kose BWANA Mlungu wako uchaasaghua kukaie andu komtasira; eri kupate kukufundisha kumuobua BWANA Mlungu wako kari kose.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

1 SAMUELI 11:7

Ukawada ng'ombe iwi, ukaridumbua-dumbua na kuduma vipande va nyama isangenyi jose ja Israeli ukighamba, “Uo ose usefumagha na kuwinugha Sauli na Samueli, ng'ombe rake richabonywa woruwo.” Nao kiture cha BWANA chikawiseria awo wandu, nawo wose wikafuma kwa ngolo imweri.