ISAYA 7:9 - Biblia Ilagho Jiboie Kwa Wandu Wose

⁹ Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

ISAYA 7:9 ပူးပေါင်းရင်းမြစ်များ

2 WAZURI 15:27

Mwaka ghwa mirongo misanu na iwi ghwa kubonya nguma kwa Uzia mzuri wa Juda, niko Peka mwana wa Remalia orezoyagha kubonya nguma aighu ya Israeli aho Samaria. Ukabonya nguma kwa miaka mirongo iwi.

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 7:10

BWANA ukaduma momu kwa Ahazi sena,

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

ISAYA 9:9

Wandu wose wa Israeli, na awo wikaiagha andenyi ya muzi ghwa Samaria wichajimanya ilagho ijo; awo wose wikukasagha kwa lung'eto lwa ngolonyi; wikighamba,

JEREMIA 43:2

Azaria mwana wa Hoshaia, na Johanani mwana wa Karea, na wandu wose wikudukie wikanizera, “Kuaghora tee. BWANA Mlungu odu ndekudumie kudizere diseghende Misri kukaia aho;

MIKA 1:5

Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?

MABONYO GHA WADUMI 27:11

Ela m'baa wa masikari ukamsikira mghenji meli na mundu wa meli moni, kuchumba kumsikira Paulo.

MABONYO GHA WADUMI 27:25

Kwa huwo kaienyi na ngolo womi, angu narumiria kwa Mlungu, sa iji koni unighorie niko koni ichaakaia.

WAROMA 11:20

Iyo ni loli. Ela redechikanywa angu wileghie kurumiria, na oho kwaawuyamanga kwa ijo irumirio jeni. Kwa huwo kusekukase, ela kuobuo.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

1 JOHANE 5:10

Uo urumiriagha kwa Mwana wa Mlungu, oko na ugho wushuhuda andenyi kwake; ela uo usemrumiriagha Mlungu, wam'boya uo kukaia mtee; kwa kukaia ndeghurumirie ugho wushuhuda Mlungu oremshuhudieghe Mwana wake.