ISAYA 7:1 - Biblia Ilagho Jiboie Kwa Wandu Wose

¹ Ngelo ya Mzuri Ahazi, mwana wa Jothamu, wawae Uzia, mzuri wa Juda, Resini mzuri wa Siria na Peka mwana wa Remalia, mzuri wa Israeli, werechieghe Jerusalemu kubonya wuda, ela ndeweredimieghe kughuwada ugho muzi anduangi.

ISAYA 7:1 ပူးပေါင်းရင်းမြစ်များ

2 WAZURI 15:25

M'baa wake wa majeshi Peka mwana wa Remalia ukam'bonyera sheshe na wandu mirongo misanu wa Gileadi; ukam'bwagha Pekahia aja Samaria ngomenyi kwa mzuri, ukabonya nguma wulalo ghwake.

2 WAZURI 15:27

Mwaka ghwa mirongo misanu na iwi ghwa kubonya nguma kwa Uzia mzuri wa Juda, niko Peka mwana wa Remalia orezoyagha kubonya nguma aighu ya Israeli aho Samaria. Ukabonya nguma kwa miaka mirongo iwi.

2 WAZURI 15:37

Matuku agho, BWANA ukazoya kuduma Rezini mzuri wa Siria na Peka mwana wa Remalia wilo na Juda.

2 WAZURI 16:1

Mwaka ghwa ikumi na mfungade ghwa kubonya nguma kwa Peka mwana wa Remalia, mzuri wa Israeli, niko Ahazi mwana wa Jothamu orewurieghe mzuri wa Juda.

2 WAZURI 16:5

Niko Rezini mzuri wa Siria, na Peka mwana wa Remalia mzuri wa Israeli, wikajoka kubonya wuda Jerusalemu; wikamrughaia Ahazi, ela ndeweredimieghe kumsima anduangi.

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 8:6

“Kwa kukaia wandu awa waleghie machi gha Shiloa ghiseagha mboa, na wulalo ghwaro wiasughusikia Mzuri Resini na Mzuri Peka mwana wa Remalia,

ISAYA 9:11

Kwa huwo BWANA wawusira wamaiza aighu yawo, wipate kuwikaba.

EZEKIELI 27:16

Siria orebonyereghe biashara na oho, angu korekoghe na vilambo vingi; korezoghoraneghe nawo kwa amrade, zambarau, nguwo ritolelo, kitani ndicha, ngola ra baharinyi, na agate.

HOSEA 1:1

Iji nijo ilagho ja BWANA oremnekieghe Hosea mwana wa Beeri ngelo Uzia, na Jothamu, na Ahazi, na Hezekia, werekoghe wazuri wa Juda; na wokoni iji Jeroboamu mwana wa Joashi orekoghe mzuri wa Israeli.

MIKA 1:1

Ngelo Jothamu, na Ahazi, na Hezekia werekoghe wazuri wa Juda, BWANA oreghorieghe na Mika, mundu wa muzi ghwa Moreshethi. BWANA ukamfunukuya malagho agha aighu ya Samaria na Jerusalemu.