ISAYA 66:5 - Biblia Ilagho Jiboie Kwa Wandu Wose

⁵ Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

ISAYA 66:5 ပူးပေါင်းရင်းမြစ်များ

1 WAZURI 21:29

“Kwawuyammbona Ahabu seji wakusera imbiri kwapo? Angu wakusera huwo imbiri kwapo, sichaareda ugho wuwiwi matuku ghake, ela nichairedia nyumba yake agho mawiwi matuku gha mwana wake.”

2 WAZURI 22:10

Niko ukamzera, “Hilkia uja mkohani wanineka chuo.” Nao Shafani ukachishoma imbiri ya mzuri.

2 MALAGHO GHA NGELO 34:27

ghikakubonya kuhee na kukusera imbiri yapo kwendasikira kukaia nichakaba andu aha na wandu waro, kukakusera imbiri yapo, kukarashua nguwo rako na kulila, ini wori nakusikira.

EZRA 9:4

Niko awo wandu wose werekoghe wikiobua malagho gha Mlungu wa Israeli kwa wundu ghwa kusowa wuloli kwa awo wandu werewurieghe kufuma wubarishonyi wikakwanyika mbai-mbai yapo niko kidombo kwa wasi hata ngelo efunya kizongona cha luma lwa kenyi.

ZABURI 119:120

Naawuyakuobua; niaobua matanyo ghako.

ZABURI 38:20

Awo wawuyanilipia mawiwi kwa mecha; wakaia wamaiza wapo angu nawuyabonya nicha.

MAKATANISHO 13:13

Mundu omenya malagho, wadakutotesha moni, ela uo utalagha malaghiro, uchapata malipo.

LUMBO 1:6

Msakenizighana kwa lumenyo angu niko wa chilu; neekabwa ni iruwa ngawuya wa chilu. Wanidu werenibonyereghe machu, wikaniwika nidumikeghe andenyi ya mbuwa ra mizabibu; ngalemwa ni kukulindia ini moni.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 5:19

Awo wighambagha, “Ndeshashire kubonya agho ughorie, dipate kuriwona kazi rake; kidali cha Mweli wa Israeli ndechikatie, eri dipate kuchimanya.”

ISAYA 60:15

“Sa iji koni korelegheloghe na kumenywa, kukasowa hata mndungi oidiria kwako; niko koni nichaakubonya kuwoneke wa wubaa na kuboilwa kwa kala na kala.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

JEREMIA 36:16

Wiendasikira malagho ghose, wikazighanana weni na weni kwa wowa, wikamzera Baruku, “Suti dimghorie mzuri agha malagho ghose.”

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

LUKA 13:17

Uendaghora huwo, wamaiza wake wose wikafushwa waya, na wandu wose wikaboilwa kwa wundu ghwa iro maza ndicha rose Jesu oreribonyereghe.

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

JOHANE 9:34

Wikatumbulia, “Wele kuadifundisha isi, na oho koovailwa kaung'enyi tiki?” Nao wikammbinga noko.

2 WATHESALONIKE 1:12

eri irina ja Bwana odu Jesu Kristo jipate kukaswa andenyi konyu, na inyo andenyi kwake; karakara na mvono ghwa Mlungu odu na Bwana Jesu Kristo.

TITO 2:13

dikijiwesera kwa isuwirio ijo Ituku jirasimilwagha, ja uko kuwoneka kwa wubaa ghwa Mlungu odu m'baa, na Mkiri Jesu Kristo.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.

1 JOHANE 3:13

Msakeshinika wanidu wurumwengu ghukazamilwa ni inyo.