ISAYA 66:3 - Biblia Ilagho Jiboie Kwa Wandu Wose

³ “Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

ISAYA 66:3 ပူးပေါင်းရင်းမြစ်များ

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 21:27

Kizongona cha mundu mmbiwi ndechiboie; ni kuchumba saki, ukachireda na nia mbiwi!

ISAYA 44:19

Ndekuwadie mndungi umanyagha, hata ungi utambuagha ughambe, “Nusu ya ughu mudi naghukorieghe, na maka gharo ngaocha nagho mkate, hata nyama wori naocha ngaja; yakaia wada sena nibonye iji ilagho ja wuchafu? Welee, nighoghomie kilingo cha mudi?”

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

ISAYA 65:12

Nichammbikia kufwa wudenyi na inyo mmbose mchabwaghwa, kwa kukaia iji neremmbangieghe, ndemoredikieghe; hata ndemorenisikireghe iji nerekoghe ngideda; ela morebonyereghe wuwiwi mesonyi kwapo, na kusaghua agho nisereghikundieghe.”

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

ISAYA 66:17

BWANA waghamba, “Kutua kwameria kuvika, kwa awo wikueleshagha na kughenda mbuwenyi, na kunugha mndumu wipate kutasa milimu, wikija nyama ya nguwe na mbewa, na kubonya wuwiwi.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

HAGAI 2:14

Niko Hagai ukaghamba, “BWANA waghamba huwu: Ola huwo niko wandu wa mbari ihi wiko imbiri kwake. Kula kazi wibonyagha, na icho chose wichifunyagha kizongona madhabahunyi, ndechielie.”

WUKUMBUSO 14:8

Na nguwe, angu iko na kochokocho ribarikie na kuwaghika, ela isekeragha, ndeielie konyu. Mseje nyama yaro hata mseadade gharia raro.

WUKUMBUSO 23:18

Kuserede pesa ringi Hekalunyi kwa BWANA Mlungu wako rafunywa ni ilaya ja waka angu ja womi wei richelipwa kwa wundu ghwa ighemi ijo jose; angu malaya agha ghose ghadamzamia BWANA Mlungu wako.

WATANYI 10:14

Ghendenyi muikemie milungu yenyu iyo moreisaghueghe, nayo ndeimkire ngelo ya wasi ghonyu.”

WATANYI 21:25

Matuku agho ndekorekoghe na mzuri ungi andenyi ya Israeli; kula mundu orebonyereghe sa iji koni orekundieghe moni.

WATANYI 5:8

Iji Waisraeli wereisaghueghe milungu ya kighenyi, na wuda ghukacha hata mbengenyi; mwawonie mndungi wawada ngao angu ifumu aghadi ya wandu elfu mirongo ina wa Israeli?