ISAYA 66:24 - Biblia Ilagho Jiboie Kwa Wandu Wose

²⁴ “Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

ISAYA 66:24 ပူးပေါင်းရင်းမြစ်များ

ZABURI 110:6

Uchatanya wandu wa mbari zima, na kubwagha wandu wengi aghadi kwawo, uchawisima wabaa wa ndoenyi kose.

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

ISAYA 14:11

Wubaa ghwako ghwaserwa hata Andu kwa Wafu, na chwaka ra vinubi vako wori; ming'ori niyo wuli ghwako, na vizi nivo brangeti wako.’

ISAYA 24:20

Ndoe yazingizika sa mmbongeri, yakumbwakumbwa sa nyumba idukwagha ni kiremba. Ndoe yalemerelwa ni kaung'a rake, nayo ichatota putu hata ndeichaawuka sena anduangi.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 34:10

Modo ghwaro ndeghuchaarima nakio hata nadime; mosi ghwaro ghuchafukia kwa kala na kala. Isanga jichasighwa iduu, kivalwa hata kivalwa; mndungi ndeechaaida aho kwa kala na kala.

ISAYA 34:3

Gharia rawo nderichaarikwa, naro richawoa na kunuka; mighondi yose ichachulwa ni bagha rawo.

ISAYA 48:22

“Ndekuwadie sere ingi kwa wawiwi,” waghamba BWANA.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 51:8

Angu awo wichajighwa seji soya ijagha nguwo, na seji vivunyu vijagha sufu; ela hachi yapo ichadua kwa kala, na kukia kwapo kuchakaia kwa vivalwa vose.”

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

ZEKARIA 14:12

BWANA uchareda saka izamie kwa mbari rose ra wandu wichaabonya wuda na Jerusalemu. Mimbi yawo ichawoa wimoo, meso ghawo na chumi rawo richawoa wimoo.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”