ISAYA 66:2 - Biblia Ilagho Jiboie Kwa Wandu Wose

² Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 66:2 ပူးပေါင်းရင်းမြစ်များ

1 WAZURI 21:29

“Kwawuyammbona Ahabu seji wakusera imbiri kwapo? Angu wakusera huwo imbiri kwapo, sichaareda ugho wuwiwi matuku ghake, ela nichairedia nyumba yake agho mawiwi matuku gha mwana wake.”

2 WAZURI 22:10

Niko ukamzera, “Hilkia uja mkohani wanineka chuo.” Nao Shafani ukachishoma imbiri ya mzuri.

2 WAZURI 22:11

Nao iji mzuri wasikira malagho gha icho chuo cha sharia, ukarashua nguwo rake.

EZRA 10:3

Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

EZRA 9:4

Niko awo wandu wose werekoghe wikiobua malagho gha Mlungu wa Israeli kwa wundu ghwa kusowa wuloli kwa awo wandu werewurieghe kufuma wubarishonyi wikakwanyika mbai-mbai yapo niko kidombo kwa wasi hata ngelo efunya kizongona cha luma lwa kenyi.

ZABURI 119:120

Naawuyakuobua; niaobua matanyo ghako.

ZABURI 119:161

Wabaa waawuyanitirira duu, ela ini nicharimaziria sharia rako.

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

ZABURI 34:18

BWANA wadakaia kaavui na wandu wifue ngolo, na kuwikira awo wisewadie isuwirio.

ZABURI 51:17

Vizongona virumirilwagha ni Mlungu, ni roho ikuserie; ndekuchaaimenya ngolo ikuserie, iheagha ee Mlungu.

ZABURI 51:19

Niko kuchaaboilwa ni vizongona va hachi; vizongona vekora, na vizongona vekora vose; niko njau richaafunywa madhabahunyi kwako.

MAKATANISHO 28:14

Mundu umnekagha BWANA ishima kari kose, ucharasimilwa; ela uhu ukurishagha ngolo yake uchapatwa ni ndengwa.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

ISAYA 40:26

Zighanenyi nokoighu cha mlungunyi! Nani uumbie iro nyerinyeri muriwonagha? Uo urighenjagha sa ijeshi wariichi mtalo ghwaro; nao wadariwanga kula imu kwa irina jake. Ndighi rake ni mbaa loli loli, hata ingi yaro na jingi ndeidimagha kulaghaya.

ISAYA 41:20

Wandu wichawona na kumanya, wizighane na kutambukilwa chiaimweri, kukaia ndighi ra BWANA niro rabonya agho, ee, Mlungu Mweli wa Israeli nuo ughibonyere.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

MATHAYO 12:6

Nani namzera, aha koko kilambo kibaa kuchumba Hekalu.

MABONYO GHA WADUMI 7:50

Welee, si ini moni nibonyere ivi vilambo vose kwa mikonu yapo anguwada?’

MABONYO GHA WADUMI 9:6

ela wuka kungie mzinyi, na oho kuchaghorelwa agho kuchaabonya.”

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAKOLOSAI 1:17

Kristo oko imbiri ya vilambo vose, na vilambo vose vawadiana chiaimweri andenyi kwake.