ISAYA 66:18 - Biblia Ilagho Jiboie Kwa Wandu Wose

¹⁸ Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

ISAYA 66:18 ပူးပေါင်းရင်းမြစ်များ

AYUBU 42:2

“Naichi kukaia kwadima kubonya maza rose, hata ndekuwadie mpango ghungi ghwako ghudimagha kughirilwa anduangi.

ZABURI 139:2

Oho kwaichi maza rose nibonyagha; kwaghimanya maghesho ghapo ghose.

ZABURI 67:2

Chia yako imanyike andoenyi, na kukia kwako kumanyike kwa mbari rose ra wandu.

ZABURI 72:11

Wazuri wose ndewimghoghomie, na mbari rose rimdumikie.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

ZABURI 82:8

Choo kughutanye wurumwengu ee Mlungu, angu wandu wose ni wako.

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

ZABURI 94:11

BWANA waichi maghesho gha wadamu, kukaia, awo ndewiwadie kumanya kungi.

ZABURI 97:6

Mlungunyi kwaeresha hachi yake, na wandu wose waghuwona wubaa ghwake.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

ISAYA 37:28

“‘Ini naichi kuwuka kwako na kusea kidombo kwako, naichi kufuma kwako sena naichi kungia kwako na seji kukaiagha na makai nani.

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 55:8

BWANA waghamba, “Maririkanyo ghapo ndeghiko sa ghenyu, hata chia rapo nderiko sa chia renyu anduangi.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

ISAYA 57:12

Nichaghora malagho gha hachi na mabonyo ghenyu, ela milungu yenyu ndeichaamtesia anduangi.

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

ISAYA 66:10

Boilonyi chiaimweri na Jerusalemu, ee, inyo mmbose mghukundagha ugho muzi; zumenyi chiaimweri nagho kwa kuboilwa inyo mmbose morekoghe mkighulilia.

JEREMIA 16:17

Angu nawuyawiwona kwa chia rawo rose, ndewivisikagha kwapo, hata na mawiwi ghawo ndeghivisikie mesonyi kwapo anduangi.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

EZEKIELI 38:10

Bwana MLUNGU wakuzera huwu oho Gogu, “Ngelo iyo ikavika, kuchachelwa ni maghesho ghebonya mipango ya wuwiwi.

EZEKIELI 39:21

BWANA waghamba, “Nichawonyera wubaa ghwapo aghadi ya iro mbari ra wandu, naro rose richawona kutanya kwapo seji nabonya, na seji nawikaba.

JOELI 3:2

Nicharikwanya mbari zima, na kusea nawo cha Vololo Etanya. Nichawitanya aho kwa wundu ghwa maza rose wiwibonyere wandu wapo. Wawisasarie wandu wa Israeli aghadi ya masanga gha kighenyi, na kujiwagha isanga japo Israeli.

AMOSI 5:12

Naichi makosa ghenyu mengi, na kaung'a renyu seji riko mbaa. Mwadawitirira wandu wecha, na kuhongwa; mwadamtangala mkiwa usepate hachi yake kotinyi.

ZEKARIA 14:16

Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 12:25

Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi.

MATHAYO 9:4

Nao Jesu ukimanya maririkanyo ghawo ukaghamba, “Kwaki mgheshagha mawiwi ngolonyi konyu?

LUKA 5:22

Nao iji Jesu waghimanya maririkanyo ghawo, ukawikotia, “Kwaki mririkanyagha huwo ngolonyi konyu?

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

JOHANE 5:42

ela namwichi seji muko, angu lukundo lwa Mlungu ndeluko ngolonyi konyu anduangi.

WAROMA 16:26

ela idana yamerie kufunukulwa worinyi kwa chia ya maandiko gha walodi, na kumanyishwa kwa mbari rose, karakara na momu ghwa Mlungu wa kala na kala, ghoreda uko kusikira kwa chia ya irumirio;

1 WAKORINTHO 3:20

Na sena, “Bwana waichi wori maghesho gha awo wiwadie hikima ni gha duu.”

WUKUMBUSO 31:21

Na iji wapatwa ni mawiwi na kusumbuka kungi, ulu lumbo luchakaia lukinishuhudia aighu yawo, (angu luchadua lukiborwa ni wandu wa kivalwa chawo) kwa kukaia namanya seji wikunde kubonya hata imbiri nisewingirie ijo isanga nilaghirie nichawineka.”

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 2:2

Narimanya kazi rako, na kufunga ndighi kwako, na kurumaghia luma kwako, na seji kusedimagha kurumaghianya na wandu wawiwi; ela kwawitimie awo wandu wikuwangagha weni wadumi, nawo wiseko huwo, kukawiwona kukaia watee.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.