ISAYA 66:16 - Biblia Ilagho Jiboie Kwa Wandu Wose

¹⁶ BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

ISAYA 66:16 ပူးပေါင်းရင်းမြစ်များ

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 27:1

Ngelo iyo, BWANA uchamkaba Leviathani, iyo choka ikimbiagha, kwa lufu lwake lukurie, lubaa, sena luwadie ndighi; uchamkaba Leviathani, iyo choka ighalaaghala, na kuibwagha iyo choka mbaa ikaiagha baharinyi.

ISAYA 3:13

BWANA wakaia tayari kureda mashitakio ghake, wakaia tayari kuwitanya wandu wake.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 31:8

Ashuru ichanonwa kwa lufu luseko lwa kidamu, ee, uchamerelwa ni lufu luseko lwa kidamu; Waashuru wichakimbia kufuma wudenyi, na wana wawo wichadumikishwa kwa ndighi.

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

ISAYA 65:12

Nichammbikia kufwa wudenyi na inyo mmbose mchabwaghwa, kwa kukaia iji neremmbangieghe, ndemoredikieghe; hata ndemorenisikireghe iji nerekoghe ngideda; ela morebonyereghe wuwiwi mesonyi kwapo, na kusaghua agho nisereghikundieghe.”

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 25:33

“Na awo wichaabwaghwa wudenyi ni BWANA ituku ijo, wichaera kula andu ndoenyi. Ndewichaalililwa, angu kutumbanywa, hata kurikwa; ela wichawuya kitungasi ndoenyi.

JEREMIA 45:5

Na oho-lee kuakulolia malagho mabaa? Kusakeghilola, angu zighana naawuyareda wuwiwi aighu ya wandu wose, ela nichakulindia irangi jako kusebwagho andu uko kose kuchaakaia kukighenda.” Ini BWANA naghamba.

JEREMIA 46:15

Kwaki mlimu Apisi ghwaghwa? Iyo njau yako isemange kimusi? Ni kwa kukaia yaghushwa ni BWANA.

EZEKIELI 28:18

Korenonieghe malalo ghako gha wueli, kwa wundu ghwa biashara yako isewadie hachi; na kwa wundu ghwa mawiwi ghako mengi; niko ngafunya modo aghadi kwako ghukakukora, ngakuwunja maivu andoenyi mesonyi kwa wose werekuwonieghe.

EZEKIELI 38:17

Ini Bwana MLUNGU naghamba huwu: Welee, si oho kumoni nerekughoragha ngiwitumia wadumiki wapo walodi wa Israeli kokala, wikiloda kwa miaka mingi kukaia nichakureda kupate kulwa na Israeli?”

EZEKIELI 5:15

Kuchasholelwa na kusekwa; kuchaobolwa na kusekwa; kuchaobolwa na kuwuya ifundisho kwa iro mbari ra wandu rikumarie chia rose, ingelo nichaakutanya kwa machu na kubia, nani nichakuwunja kwa kubia, ini BWANA naghamba.

JOELI 3:2

Nicharikwanya mbari zima, na kusea nawo cha Vololo Etanya. Nichawitanya aho kwa wundu ghwa maza rose wiwibonyere wandu wapo. Wawisasarie wandu wa Israeli aghadi ya masanga gha kighenyi, na kujiwagha isanga japo Israeli.

AMOSI 7:4

Bwana MLUNGU ukaniwonyera mawono ghamu: Ngawona Bwana MLUNGU uwangagha wandu uwikabe kwa modo; nagho ghukakora bahari mbaa machi ghikaoma na kuzoya kukora isanga.

NAHUMU 3:15

Chia imweri na agho ghose, mchakorwa na modo, angu kubwaghwa wudenyi. Mchamerelwa sa vindo vajighwa ni zighe. Kuchurienyi mmbeni mkaie sa zighe, churikienyi mkaie sa weke mwapazi.

NAHUMU 3:3

Wajoki farasi wiarijoka; chufu riakaaka na mafumu kung'alishwa; majeshi ghabwaghwa! Kitungu cha gharia na mimbi ifue isene mtalo; wandu wiakuwarwa ni mimbi ifue.

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.