ISAYA 66:15 - Biblia Ilagho Jiboie Kwa Wandu Wose

¹⁵ BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

ISAYA 66:15 ပူးပေါင်းရင်းမြစ်များ

ZABURI 11:6

Mlungu uchawiseria wawiwi modo na kibiriti; nao uchawikaba na mbeo ilunguragha.

ZABURI 18:9

Oreikieghe mawingunyi, ukasea andoenyi, na kira kibaa chikambie cherekoghe maghunyi kwake.

ZABURI 21:9

Kasikira kwawoneka, uchawitotesha sa modo ghukumbagha lumu. BWANA uchawimeria kwa machu ghake, na modo ghuchawitotesha.

ZABURI 50:3

Mlungu odu uacha, ela ndechagha kima; modo ghulunguragha ghoko imbiri kwake, na kiremba kibaa chammara mbai mbai.

ZABURI 68:17

BWANA wacha andu kwake kuelie kufuma Sinai, na maelfu gha magare ghiwadie ndighi.

ZABURI 97:3

Modo ghwamkiria, na kuwikora wamaiza wake chia rose.

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 31:9

M'baa wake uchakimbia kwa wowa, na wabaa wawo wa kazi wichakimbia kwa wowa na kuisigha bendera yawo. Agho ghaaghorwa ni BWANA uo modo ghwake ghuakagha Sioni na iwiwi jake jikaiagha Jerusalemu.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 5:28

Mawanu ghawo ghakalie, na ndana rawo rafungilo; kochokocho ra farasi rawo rakurie sa magho, na magurudumu gha magare ghawo ghiamara sa kikulughulu.

ISAYA 51:20

Wana wako wasilwa na kudumbuka chienyi, kwa kula mbembe ya chia, wakaia kara kara na ighalu jawadwa nyavunyi; wachulwa ni makabo ga BWANA uko kukania kwa Mlungu wako.

JEREMIA 25:37

Maranu gha sere ghichasaghiswa kwa wundu ghwa agho machu ghibirie gha BWANA.

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 4:3

Kwa wandu wa Juda na awo wikaiagha Jerusalemu BWANA waghora huwu: “Chimbenyi ndoe renyu, msewe mbeu renyu a minjonyi.

JEREMIA 46:15

Kwaki mlimu Apisi ghwaghwa? Iyo njau yako isemange kimusi? Ni kwa kukaia yaghushwa ni BWANA.

EZEKIELI 38:17

Ini Bwana MLUNGU naghamba huwu: Welee, si oho kumoni nerekughoragha ngiwitumia wadumiki wapo walodi wa Israeli kokala, wikiloda kwa miaka mingi kukaia nichakureda kupate kulwa na Israeli?”

EZEKIELI 5:15

Kuchasholelwa na kusekwa; kuchaobolwa na kusekwa; kuchaobolwa na kuwuya ifundisho kwa iro mbari ra wandu rikumarie chia rose, ingelo nichaakutanya kwa machu na kubia, nani nichakuwunja kwa kubia, ini BWANA naghamba.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

AMOSI 7:4

Bwana MLUNGU ukaniwonyera mawono ghamu: Ngawona Bwana MLUNGU uwangagha wandu uwikabe kwa modo; nagho ghukakora bahari mbaa machi ghikaoma na kuzoya kukora isanga.

NAHUMU 1:6

Nani udimagha kukaia moyo ukajokwa ni machu? Nani udimagha kughirumaghia machu ghake ghibirie? Machu ghake ghadilwa sa modo, na magho ghabarika imbiri yake.

HABAKUKI 3:8

Wele BWANA, ni meda ikuwusirie machu? Ni bahari ikubonyere kubie? Korejokieghe aighu ya mawingu; iwingu ja kiremba ni igare jako; kukawiredia wandu wako wusimi.

ZEKARIA 6:1

Nao ngazighana ngawona magare ana ghafuma ghadi na ghadi ya mighondi iwi erekoghe ya shaba.

MATHAYO 22:7

Uja mzuri ukawawa ni ngolo, ukaduma masikari ghake, ukawitotesha waja wabwaghi, ukaghukora muzi ghwawo.

WUKUMBUSO 28:20

“BWANA uchakuredia njowe, kulaghalo ni akili, kusumbuke na kulemwa ni maza rako rose kuribonyagha, hata kwanoneka na kusia shwa wori kwa wundu ghwa mabonyo ghako ghizamie angu kumsighie.

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.