ISAYA 66:1 - Biblia Ilagho Jiboie Kwa Wandu Wose

¹ BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

ISAYA 66:1 ပူးပေါင်းရင်းမြစ်များ

1 WAZURI 8:27

“Ela loli Mlungu wadima kukaia ndoenyi? Zighana mlungunyi kwa ighu ndekukukatagha, ni kuchumba saki i Hekalu nakuaghia!

1 MALAGHO GHA NGELO 28:2

Niko Mzuri Daudi ukawuka kimusi ukaghamba: “Nisikirenyi wandu wapo; nerewonieghe niagha nyumba ewika Sanduku ya Ilaghano ja BWANA, icho kifumbi cha Mlungu chewikiria maghu ghake; ngakutumbanya to niaghe.

2 MALAGHO GHA NGELO 2:5

Hekalu nichaaiagha ichakaia mbaa, angu Mlungu odu ni m'baa kuchumba milungu yose.

2 MALAGHO GHA NGELO 6:18

“Ela loli Mlungu wadima kukanya na wadamu ndoenyi? Ola mlungunyi na mlungunyi kuko ighu kuchumba ndekudimagha kukukata, ichakaia ihi nyumba niiaghie!

ZABURI 11:4

BWANA oko andenyi ya Hekalu yake ya wueli, kifumbi chake cha nguma cheko mlungunyi; nao wadawizighana wadamu na kuwimanya seji wibonyagha.

ZABURI 132:7

Niko dikaghamba, “Ndedighende nyumbenyi kwa BWANA; ndeditase imbiri ya kifumbi chake cha nguma.”

ZABURI 99:9

Mkumenyi BWANA Mlungu odu, mumtase aighu ya mghondi ghwake ghwa wueli; angu BWANA Mlungu odu ni Mweli.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 60:13

“Kuboa kose kwa mbau ra Lebanoni kucharedwa kwako; misumbesu, mitidhari, na mibunduki, kupate kuipamba Hekalu yapo ya wueli, nani nichakughokesha andu kowikiria maghu ghapo.

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 12:6

Nani namzera, aha koko kilambo kibaa kuchumba Hekalu.

MATHAYO 24:2

Ela uo ukawitumbulia, “Mwaghiwona agha ghose? Namghoria loli, ndekuwadie igho jingi jichaasigharika aighu ya mmbao jiseghushiro andoenyi anduangi.”

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.