ISAYA 65:7 - Biblia Ilagho Jiboie Kwa Wandu Wose

⁷ mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

ISAYA 65:7 ပူးပေါင်းရင်းမြစ်များ

1 WAZURI 22:43

Jehoshafati ukabonya sa ndee Asa, ukibonya agho ghim'boiagha BWANA kuseko kughaluka, ela ndereinjireghe andu kotasira mighondinyi; wandu wikakaia wikifunya vizongona na kufukira marumba aho.

1 WAZURI 22:44

Wokoni Jehoshafati ukabonya sere na mzuri wa Israeli.

2 WAZURI 12:3

Elaima sena aho mighondinyi andu kotasira milimu ndekorenoneloghe, wandu wikakaia wikibwagha vizongona na kufukira marumba aho.

2 WAZURI 14:4

Ndereinjireghe andu kotasira milimu korekoghe mighondinyi, wandu wikakaia wikibwaghia vizongona na kufukiria marumba ahoeni.

2 WAZURI 15:35

Elaima ndereinjireghe aja andu kotasira wikakaia mighondinyi; wandu wikakaia wikifunyira vizongona na kufukira marumba mghondinyi.

2 WAZURI 16:4

Ukafunya vizongona na kufukira marumba aighu ya andu kotasira milimu mighondinyi, na aisi ya kiju cha kula mudi mmbishi.

2 MALAGHO GHA NGELO 21:11

Na aighu ya agho, ukaagha andu kotasira mighondinyi isanga ja Juda, ukawilongoza wandu wikaiagha Jerusalemu wisowe wuloli na kuwilaghasha wandu wa Juda.

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

ISAYA 22:14

BWANA wa majeshi wanizerie, “Mawiwi agha ndeghichaafuilwa wughoma hata mwafwa; ini Bwana MLUNGU wa majeshi naghamba.”

ISAYA 26:21

Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

ISAYA 28:21

Angu Mlungu uchawuka kulwa, seji orelueghe Mghondi ghwa Perazimu; uchajokwa ni machu seji gheremjokieghe aja vololonyi ya Gibeoni; upate kubonya kazi rake ra mashiniko! Uchabonya kazi rake naro ni kazi ra kighenyi.

ISAYA 29:14

huwo koni na ini nichawibonyera maza richaawishinua; malagho gha mashiniko ghisedimagha kuvikilwa ni hikima ya wandu wawo; na wandu wawo wa akili wichasirilwa ni kumanya kwawo.”

ISAYA 3:11

Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

ISAYA 30:13

mawiwi agho ghichakaia konyu, sa wurigha mlacha ghughoghome, ghuko na lughuma lodima kughughusha shwa-shwa.

ISAYA 30:14

Kughwa kwaro kuchakaia karakara na chombo cha mvimbi chabarika na ndighi, hata lusoweke luwigha lodima kudwa maka gha modo, angu lodaya machi kiriwenyi.”

ISAYA 57:12

Nichaghora malagho gha hachi na mabonyo ghenyu, ela milungu yenyu ndeichaamtesia anduangi.

ISAYA 57:7

Mwadajoka aighu ya mghondi mlacha, mpate kubonya wumalaya na kutasa milimu; nao aeni aho, mwadafunya vizongona.

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 65:6

“Olenyi ilagho iji jaandikilo imbiri yapo, Sichaanyama kima ela nichalipia, ee nichawikaba kunughana na mawiwi ghawo;

ISAYA 66:4

Ini wori nichawisaghuya matiriro ghewingira wowa, kwa kukaia iji nerewiwangieghe ungi wawo nderedikieghe; iji nereghorieghe nawo ndekuwadie ungi orenisikireghe, ela werebonyereghe agho ghiko mawiwi imbiri kwapo, na kusaghua maza riseniboiagha.”

JEREMIA 13:25

Ihi niyo kura yako na ifungu jako nimerie kukupimia, kwa kukaia kwamerie kuniliwa na kuirumiria milungu ya tee.

JEREMIA 13:27

Namerie kughuwona wuchafu ghwako; kulaka kwako, na bea rizamie, na wumalaya ghuchumbie, aighu mighondinyi na mbuwenyi. Ni bugha kwako ee Jerusalemu! Kudua mchafu kuseoghoshero hata lii?”

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

JEREMIA 5:29

“Wele nilemwa wada ni kuwikaba kwa wundu ghwa maza iri? Welee niselipie kisasi aighu ya mbari sa ihi?

JEREMIA 5:9

Welee, ndeinifwane niwikabe kwa maza iri? Ndeinifwane nilipie kisasi kwa mbari ya wandu sa ihi?

EZEKIELI 18:6

ikaie ndejagha vindo vafunywa kizongona kwa milimu mighondinyi, nao ndeitasagha iyo milimu ya Israeli, hata ndemlushagha muka wa mmbao, angu kumuadada muka uko merinyi.

DANIELI 9:8

Isi dafwa waya ee Bwana, chiaimweri na wazuri wedu, na wabaa wedu, na weke aba wedu; angu dakubonyere kaung'a.

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

WALAWI 26:39

Awo wandu watini wichaasigharika andenyi ya isanga ja wamaiza wenyu, wichakaia wikipungua kwa wundu ghwa kaung'a rawo na kaung'a ra weke ndee.

MITALO 32:14

Idana wonenyi nenyo mwawuka wulalo ghwa weke ndeyo, kivalwa cha wandu wa kaung'a; mpate kughichuria agho machu ghibirie gha BWANA aighu ya Israeli!

LUKA 6:38

nekenyi wandu, nenyo mchanekwa kipimo kicha, chichandirilo na kusughuswa, hata chidike-dike; niko wichaamneka huwo. Angu kipimo mpimagha, nicho cheni mchaapimilwa.”

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.