ISAYA 65:6 - Biblia Ilagho Jiboie Kwa Wandu Wose

⁶ “Olenyi ilagho iji jaandikilo imbiri yapo, Sichaanyama kima ela nichalipia, ee nichawikaba kunughana na mawiwi ghawo;

ISAYA 65:6 ပူးပေါင်းရင်းမြစ်များ

ZABURI 107:17

Wamu werekoghe wakelu; wikatiririka kwa wundu ghwa mawiwi na kaung'a rawo.

ZABURI 109:14

Makosa gha weke wawae ndeghikumbuko imbiri ya BWANA, na kaung'a ra mae riseleko.

ZABURI 50:21

Kwabonyere agha ghose, nani nganyama kima; kukadaghesha wei deefwanana. Ela idana nichakukemia na kukughoria makosa ghako worinyi.

ZABURI 50:3

Mlungu odu uacha, ela ndechagha kima; modo ghulunguragha ghoko imbiri kwake, na kiremba kibaa chammara mbai mbai.

ZABURI 56:8

Oho kwaichi kusumbuka kwapo; kwawikie mtalo ghwa mbori rapo. Nechi raandikilo chuonyi kwako?

ZABURI 79:12

Kuwilipe wandu wa mbari zima mando mfungade, kwa wundu ghwa iro seko wikusekie naro ee BWANA.

KUFUMA 17:14

Nao BWANA ukamzera Musa, “Kuandike agha malagho chuonyi ghikaie lukumbuso; sena kughighore madunyi kwa Joshua kukaia, nichawimeria Waamaleki putu, wisekumbuko jingi ndoenyi.”

ISAYA 26:21

Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

ISAYA 3:11

Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

ISAYA 42:14

Mlungu waghamba, “Nanyame kima luma, nanyame hata ngasirimika. Ela idana nichakema kara kara na muka ukumbagha lufu kwa kuva ngisoda-soda kwa ndighi.

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 64:12

Kudima wada kurumaghia aighu ya maza iri rose ee Bwana? Kudima wada kunyama kima kukiditirira huwu?

ISAYA 66:6

Sikirenyi mrurumo kufuma mzinyi! Ni lwaka lwawuyafuma Hekalunyi; nalo ni lwaka lwa BWANA wawuyaluya lugho aighu ya wamaiza wake.

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

EZEKIELI 11:21

Ela awo wandu wikufunyire kubonya maza rizamie, na wuchafu, nichawikaba kwa wundu ghwa mawiwi ghawo. Ini Bwana MLUNGU naghamba.”

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”

EZEKIELI 9:10

Ela ini sichaalekia, hata sichaafuya wughoma, ela nichawilipa karakara na mabonyo ghawo.”

JOELI 3:4

“Mwawuyakunda kunilipa kwa wundu ghwa kilambo chimu? Ikakaia ni huwo, nichamlipa kwa shwa-shwa mabonyo ghenyu gheni m'bonyere.

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

LUKA 6:38

nekenyi wandu, nenyo mchanekwa kipimo kicha, chichandirilo na kusughuswa, hata chidike-dike; niko wichaamneka huwo. Angu kipimo mpimagha, nicho cheni mchaapimilwa.”

WUKUMBUSO 32:34

“BWANA wawuyakumbuka agho ghibonyero ni wamaiza; waawuyaweseria uwikabe kwa kimu charo.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.