ISAYA 65:3 - Biblia Ilagho Jiboie Kwa Wandu Wose

³ Wandu winivaviragha matuku ghose, wikifunya vizongona vawo a mbuwenyi, na kufukira marumba a matofalinyi.

ISAYA 65:3 ပူးပေါင်းရင်းမြစ်များ

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

AYUBU 1:11

Ela idana inja ivi uko navo, kuwone seji uchaakuewia kukiwona woruwu.”

AYUBU 2:5

Ela kaba mumbi ghwake idana, kuwone seji ukuewiagha kukiwona woruwu.”

ZABURI 78:40

Ni kalinga werekoghe wikimlegha kireti, na kumvavira ngolo ikarenyi!

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

ISAYA 1:29

Mchafwa waya kwa wundu ghwa kutasa mialoni, mchafwa waya kwa kuwika mbuwa renyu wakfu kwa wundu ghwa milimu.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 66:17

BWANA waghamba, “Kutua kwameria kuvika, kwa awo wikueleshagha na kughenda mbuwenyi, na kunugha mndumu wipate kutasa milimu, wikija nyama ya nguwe na mbewa, na kubonya wuwiwi.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

WALAWI 17:5

Agha malagho ni kwa wundu ghoghiria wandu wa Israeli wawuyafunyira vizongona vawo cha shighadi ya kambi, eri wipate kuvireda kwa mkohani mnyangonyi ghwa Hema ekwania; na kuvifunya vikaie vizongona vepatanisha kwa BWANA.

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.