ISAYA 65:23 - Biblia Ilagho Jiboie Kwa Wandu Wose

²³ Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

ISAYA 65:23 ပူးပေါင်းရင်းမြစ်များ

ISAYA 61:9

Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

HAGAI 2:19

Nichamrasimia hata ngera ndemuwuewona mbeu ingi nganyenyi konyu; hata mzabibu, angu mtini, angu mkomamanga, angu mzeituni ghuvae.”

KUZOYA 17:7

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

WAROMA 4:16

Ni kwa wundu ughu ilaghiro jamangishwa ni irumirio, eri ijo ilaghiro jihakikishiro jikaie kwa mvono, kwa kivalwa chose cha Abrahamu. Si kwa awo wiiwadiagha Sharia wiekeri, ela na awo wori wiko na wungara na ijo irumirio ja Abrahamu; angu uo nuo aba odu isi diwose

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

WALAWI 26:29

Njala yenyu ichakaia mbaa hata mdime mwaja wana wenyu.

WALAWI 26:22

Nichamredia nyamandu ribirie, ripate kumjia wana wenyu, na kubwagha ng'ombe renyu, na mtalo ghonyu ghupunguo, hata chia renyu rikwame.

WALAWI 26:20

Kukufunya kose kwa kazi renyu kuchakaia kwa duu, kwa kukaia ndoe ndeichaava mavalo ghangi, na midi ndeichaafunya matunda ghangi.

WAGALATIA 3:29

Na ikakaia muko wa Kristo, aho moko wana wa Abrahamu, na wana wa ifwa karakara na ijo ilaghiro.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 66:22

“Angu sa iji koni mlungunyi kuwishi na ndoenyi kuwishi nerekubonyereghe kuchaadua imbiri kwapo, ni huwo koni na kivalwa chako na irina jako jichaadua imbiri kwapo.

AYUBU 21:8

Wawona wana wawo wikizoghua na kuaghika; wawona weke wawae wiko aeni.

EZEKIELI 36:29

Nichamfunya wuchafunyi ghonyu ghose, nani nichalaghira viro vichurikie konyu kwa wungi; hata njala ingi ndeichaakaia konyu sena anduangi.