ISAYA 65:1 - Biblia Ilagho Jiboie Kwa Wandu Wose

¹ Mlungu ukaghamba, “Nerekoghe tayari kuwitumbulia wandu wiserenilombieghe jingi, na kukufunukua kwa wandu wiserenilolighe. Ngaizera iyo mbari iserejiwangieghe irina japo kwa malombi, ‘Neko aha, ola neko aha.’

ISAYA 65:1 ပူးပေါင်းရင်းမြစ်များ

2 SAMUELI 1:7

Nao iji orezighanireghe nanyuma, ukaniwona ukaniwanga; ngadika ‘Neko.’

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 41:27

Ni ini BWANA nizoe kughoria Jerusalemu agho malagho; neremdumieghe mundu Jerusalemu kureda malagho mecha, ‘Ola wandu hawa wacha.’

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 63:19

Dakaia sa wandu jingi diserekoghe aisi ya nguma rako, dakaia sa wandu jingi disewangilo wandu wako.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

LUKA 13:12

Nao iji Jesu wammbona, ukammbanga, ukamzera, “Muka, kwafungulwa wunyonge ghwako.”

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

WAROMA 10:20

Isaya nao wadeda kwa wuwana ukighamba, “Nawonelo ni wandu wiserenilolieghe, nakuwonyere ini moni kwa awo wiserenikotereghe.”

WAROMA 9:30

Da dighora wada? Diaghora, wandu wa mbari zima awo wisereilolieghe hachi, waipatire; uko kutalwa kukaia na hachi kupatikagha kwa chia ya irumirio.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.