ISAYA 64:2 - Biblia Ilagho Jiboie Kwa Wandu Wose

² seji modo ghukoragha visachi, na kughibonya machi ghichemke, sea kubonye irina jako jimanyike kwa wamaiza wako, na iro mbari ra wandu risughusike imbiri kwako.

ISAYA 64:2 ပူးပေါင်းရင်းမြစ်များ

ZABURI 106:8

Ela orewikirieghe sa iji koni orelaghirieghe; upate kuwonyera ndighi rake mbaa.

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ZABURI 79:10

Kusakesigha iro mbari zima righambe, “Damsima Mlungu wawo oko hao.” Kudineke kuwona kukikaba iro mbari zima, kwa wundu ghwa kudia bagha ya wadumiki wako.

ZABURI 83:13

Kuwibonye wikaie sa teri idukwaa ni kiremba ee Mlungu, na sa makanda ghidukwagha ni mbeo.

ZABURI 9:20

Kuwioboshe ee BWANA! Kuwibonye wandu wa mbari zima wimanye kukaia awo ni wandu tu.

ZABURI 99:1

BWANA ni mzuri, wandu ndewisughusike! Wasea kidombo kifumbinyi cha nguma naighu ya makerubi, ndoe ndeizingizike!

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

ISAYA 28:21

Angu Mlungu uchawuka kulwa, seji orelueghe Mghondi ghwa Perazimu; uchajokwa ni machu seji gheremjokieghe aja vololonyi ya Gibeoni; upate kubonya kazi rake ra mashiniko! Uchabonya kazi rake naro ni kazi ra kighenyi.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 63:12

Uo kwa wubaa ghwake oremmbwadieghe Musa mkonu ghwa kiwomi, ukawagha machi na kumuisa; eri upate kuwika irina jake kwa kala na kala;

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

JEREMIA 5:22

Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

AMOSI 4:12

“Kwa wundu ugho nichamkaba ee wandu wa Israeli. Idana kwa kukaia nichabonya huwo, kuboisenyi mkwane na kutanya kwapo.”

MIKA 1:4

Mighondi ichasagha aisi ya maghu ghake sa sungu yakabishirwa modo; ichasea cha vololonyi, seji machi ghiseagha andu kwa lughongo lwa kimusi.

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

WUKUMBUSO 2:25

Idime niko nizoyagha kungira kiture na wowa kwa wandu wose wimuobuo inyo; kula andu wichaasikira malagho ghenyu, wichasughusika na kukaia na wasi kwa wundu ghonyu.’