ISAYA 63:3 - Biblia Ilagho Jiboie Kwa Wandu Wose

³ “BWANA watumbulia, Narifashire iro mbari ra wandu sa zabibu, hata ndekuwadie mndungi wandunyi orekwanyeghe nani anduangi; narifashire kwa machu ghapo ee, kwa lubio lwapo ngarifasha-fasha; bagha yawo ikatarikia marwao ghapo, nani ngarilusha nguwo rapo putu.

ISAYA 63:3 ပူးပေါင်းရင်းမြစ်များ

KUZOYA 49:11

Wadafunga punda wake mzabibunyi, na mwana wa punda kwa mzabibu ghuboie, Nao moni wadaoghosha nguwo rake kwa divei, na marwao ghake kwa divei itinikie sa bagha.

2 WAZURI 9:33

Jehu ukawizera, “Mpotuonyi uo muka.” Nao wikampotua, na bagha rimu rake rikatarikia wurigha, na aighu ya farasi. Nao wikaida wikimfasha-fasha.

AYUBU 40:12

Mzighane kula mundu ukujosere kumsere; kuwifashe wawiwi andu koni wiko.

ZABURI 60:12

Dikakanya na Mlungu dichasima; uo uchawiwadia-wadia wamaiza wedu.

ISAYA 22:5

Kwa kukaia ituku ja BWANA Mlungu wa majeshi jameria kuvika; ituku ja ndoghoi na matiriro ghewadilwa-wadilwa, na kuvurughwa akili andenyi ya Vololo ya Mawono. Mawurigha gha muzi ghodu ghameria kughushwa andoenyi, na chwaka ra wandu wikemagha cha mighondinyi rasikirika.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 28:3

Nao uchawadia na maghu ghake ugho wuzuri ghukukasire ghwa wawongeri wa Israeli;

ISAYA 59:17

Wakurushire hachi sa ngao ya laghenyi, na kukia sa kofia ya chuma chongonyi kwake. Warwae kisasi sa nguwo rake, na kukurigha lubio sa nguwo ekumba.

ISAYA 63:6

Nerewifashireghe awo wandu kwa machu ghapo, ngawibara-bara kwa ulo lubio lwapo; ngaidia bagha yawo andoenyi.”

KILILO CHA JEREMIA 1:15

“BWANA wawisekie masikari ghapo ghose ghiwadie ndighi; wadumie ijeshi jinone wandu wapo wa irika, wawifashire wandu wapo sa zabibu rakumbwa kidunyi.

JOELI 3:13

Awa ni wandu wizamie nandighi; wibwaghe karakara na ngano idemwagha ngelo ya makuwido; wifashe-fashe karakara na zabibu rikamwagha andenyi ya kidu chekamia zabibu hata divei ichuo na kudika-dika.”

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

MALAKI 4:3

Ituku nichaakatisha agho, mchawifasha-fasha wawiwi aisi ya maghu ghenyu.