ISAYA 61:9 - Biblia Ilagho Jiboie Kwa Wandu Wose

⁹ Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

ISAYA 61:9 ပူးပေါင်းရင်းမြစ်များ

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

KUZOYA 30:27

Ela Labani ukamzera, “Leka nighore ilagho jimu. Namerie kumanya putu angu BWANA oonirasimia kwa wundu ghwako.

ZABURI 115:14

BWANA ndekubonye kuchurikie, chiaimweri na kivalwa chako.

ISAYA 43:5

Kusakeobua, angu ini neko andwamweri na oho, nichareda kivalwa chako kufuma mashariki, na kuwikwanya kufuma magharibi.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

ISAYA 65:23

Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

ISAYA 66:22

“Angu sa iji koni mlungunyi kuwishi na ndoenyi kuwishi nerekubonyereghe kuchaadua imbiri kwapo, ni huwo koni na kivalwa chako na irina jako jichaadua imbiri kwapo.

JEREMIA 31:7

BWANA waghamba huwu, “Borenyi kwa kuboilwa, kwa wundu ghwa Israeli, wusirenyi chwaka kwa wundu ghwa m'baa wa iro mbari ra wandu; ghorenyi, m'bore makaso, mghambe, ‘BWANA wamerie kuwikira wandu wake, agho masighariko gha Israeli.’

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

MALAKI 3:12

Niko aho mbari rose ra wandu wichammbanga warasimilwa kwa wundu ghokaia na isanga jiboie.

MITALO 22:12

Mlungu ukamzera Balaamu, “Kuseghendanye nawo, ndekudimagha kuwiwasira awo wandu njowe, angu ni wandu wirasimilo.”

MABONYO GHA WADUMI 3:26

Mlungu umeria kummbusira Mdumiki wake, oremdumieghe konyu kande, upate kumrasimia kwa kumghalua kula umu onyu utane na wuwiwi ghwake.”