ISAYA 61:3 - Biblia Ilagho Jiboie Kwa Wandu Wose

³ kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 61:3 ပူးပေါင်းရင်းမြစ်များ

ESTA 8:15

Nao Mordekai ukafuma ngomenyi ya mzuri, wameria kurwa marwao gha buluu, gha choka, na ijoho ja kitani iboie ja zambarau, na kirumbu kibaa cha dhahabu. Muzi ghose ghwa Susa ghukazuma na kukaba lukilighili.

ESTA 9:22

Kwa agho matuku, Wayahudi werekirieghe kufuma kwa wamaiza wawo; na mori ugho, niko wasi ghwawo ghoreghalusiroghe kuboilwa, na kililo chawo chikawuya ituku ibaa ja kuboilwa na kuseka. Wikalaghirwa angu kwa matuku agho wibonyeghee karamu na maboilo; kunekana manosi mecha, na kuwineka wakiwa manosi.

ZABURI 104:15

ufunye divei em'bonya uboilo, na mavuda ghem'bonya usisine, na mkate ghomneka ndighi.

ZABURI 149:4

BWANA wadaboilwa ni wandu wake; wadawibonya wandu wikuserie wineko ishima kwa kuwibonya wisime.

ZABURI 23:5

Kwanialia meza ya vindo, wamaiza wapo wikiwona; kwanishinga mavuda chongonyi, kikombe chapo chachua chiadika-dika.

ZABURI 30:11

Kwaghalue kulila kwapo kuwuye kuvina; kwainjire nguwo yapo ya igunia kukanirusha kuboilwa.

ZABURI 30:12

Kwa huwo nichakukasa, sichaanyama kima anduangi. Nichakufunyira chawucha ee BWANA Mlungu wapo kwa kala na kala.

ZABURI 45:7

kwaikunda hachi na kuzamilwa ni kiwiwi. Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.

MCHILI 9:8

Kaia na iseko na kuboilwa ngelo rose.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

JEREMIA 31:13

Niko aho wai wichavina kwa kuboilwa, wandu wa irika na waghosi wichaboilwa, nichawihoresha na kughamba kulila kwawo kuwuya kuboilwa na wasi ghwawo ghuwuye maseko.

EZEKIELI 34:29

Nichawineka mbuwa inorie, nawo ndewichaapatwa ni njala sena isangenyi, angu kusholelwa ni iro mbari ra wandu.

EZEKIELI 47:7

Ngiwuya, ngawona mbai na mbai ya moda, midi mingi nandighi kula luwaru lwa moda.

ZEKARIA 3:5

Ukawilaghira awo werekoghe aho wimrushe Joshua kiremba chielie chongonyi kwake. Wikamngira icho kiremba chielie chongonyi kwake, na kumrusha nguwo malaika wa BWANA ukikaia kimusi kaavui nao.

MATHAYO 15:13

Jesu ukawitumbulia, “Kula muwalwa ghusewalo ni Aba uko mlungunyi ghuchakulwa.

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

LUKA 15:22

Ela ndee ukawizera wadumiki wake, ‘Redenyi shwa-shwa ija nguwo iboie kuchumba mumrushe, sena mumngire pete chalenyi kwake, na vadu maghunyi kwake.

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

JOHANE 16:20

Namghoria loli, inyo mchalila na kudikwa ni mbori, ela wurumwengu ghuchaboilwa, mchakaia na wasi, ela wasi ghonyu ghuchaghaluswa kukaia kuboilwa.

1 WAKORINTHO 3:9

Angu isi de wabonyi kazi wa Mlungu, inyo mo mbuwa ya Mlungu, na iaghi ja Mlungu.

1 WAKORINTHO 6:20

Moreghuloghe kwa ighuri, kwa huwu itumienyi mimbi yenyu kwa wundu ghwa wubaa ghwa Mlungu.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

2 WATHESALONIKE 1:10

iji wacha Ituku jija kukaswa ni waeli wake, na kushinikilwa ni wose wimerie kurumiria; kwa kukaia inyo moreghurumirieghe wushuhuda ghodu.

WAEBRANIA 1:9

Oho kwaikunda hachi, na kuzamilwa ni kiwiwi; Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.”

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.