ISAYA 61:10 - Biblia Ilagho Jiboie Kwa Wandu Wose

¹⁰ Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:10 ပူးပေါင်းရင်းမြစ်များ

KUZOYA 24:53

Nao ukafunya manosi gha vilambo va zoghori mbaa va feza na dhahabu na nguwo, ukamneka Rebeka. Wokoni ukafunya vilambo va zoghori mbaa ukamneka mruna na mae.

2 MALAGHO GHA NGELO 6:41

“Wuka idana ee BWANA Mlungu, kughende andu kwako kohoreshera, oho, chiaimweri na Sanduku ya Ilaghano ja kudima kwako. Wakohani wako ndewirusho kukia ee BWANA Mlungu, na waeli wako wiboilo ni wucha ghwako.

NEHEMIA 8:10

Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

AYUBU 29:14

Nerekurushireghe hachi, ikakaia sa irwao japo; loli yapo erekoghe sa ijoho na kiremba chapo.

ZABURI 132:16

Nichawirusha wakohani waro kukia, na waeli waro wichabora kwa kuboilwa.

ZABURI 132:9

Wakohani wako ndewibonye gha hachi, na waeli wako wibore kwa kuboilwa.

ZABURI 28:7

BWANA ni ndighi rapo na ngao yapo; nadamrumiria, nao wadanitesia. Ngolo yapo yaboilwa nandighi; nani nichamfunyira chawucha kwa kum'boria lumbo.

ZABURI 35:9

Niko nichaboilwa andenyi ya BWANA, ngizuma andenyi ya kukia kwake.

LUMBO 1:10

Iridia jako jaghokie jiseagha madumbunyi kwako, jaidia singonyi kwako sa lulu.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 48:18

Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

ISAYA 49:18

Wusira meso ghako kuzighane kose kuwone; wandu wako wose wakwanyika wiakuchea oho. Sa iji koni niko moyo, waghamba BWANA, wandu wako wichakaia kwako sa mapambo, wichakaia aghadi kwako sa mapambo gha mwai ulowolwagha.

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

ISAYA 58:14

niko aho kuchaaboilwa andenyi kwapo ini BWANA, nani nichakubonya kukaie nicha ndoenyi; sena nichakughudisha na ifwa ja ndeyo Jakobo, kwa kukaia ini BWANA najighora ilagho iji.”

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 65:18

Ela boilonyi mzume kwa kala na kala kwa wundu ghwa agho nighiumbagha; kwa kukaia niaiumbia Jerusalemu maboilo, na wandu waro wichachulwa ni iseko.

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

EZEKIELI 42:14

Ngelo wakohani wangia Andu kwa Wueli, wikakafuma cha waza ya shighadi, wichafunya iro nguwo ra wukohani redumika angu iro ni ra wueli, wiro zima, ima wifume noko cha wandunyi.”

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.

ZEKARIA 10:7

Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

ZEKARIA 3:5

Ukawilaghira awo werekoghe aho wimrushe Joshua kiremba chielie chongonyi kwake. Wikamngira icho kiremba chielie chongonyi kwake, na kumrusha nguwo malaika wa BWANA ukikaia kimusi kaavui nao.

LUKA 15:22

Ela ndee ukawizera wadumiki wake, ‘Redenyi shwa-shwa ija nguwo iboie kuchumba mumrushe, sena mumngire pete chalenyi kwake, na vadu maghunyi kwake.

WAROMA 13:14

ela Bwana Jesu Kristo ukaie irwao jenyu; hata msakeghubonyera mumbi wulalo ghokatisha bea raro.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

WAGALATIA 3:27

Kwa kukaia inyo mmbose m'baputiziro andenyi ya Kristo, moomrwa Kristo.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

1 SAMUELI 2:1

Na wokoni Hana ukalomba ukighamba, “Ngolo yapo yaboilwa andenyi ya BWANA, nani nachulwa ni ndighi ra BWANA; nawiseka wamaiza wapo, angu niboilwagha ni kukia kwake Mlungu.