ISAYA 60:9 - Biblia Ilagho Jiboie Kwa Wandu Wose

⁹ Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

ISAYA 60:9 ပူးပေါင်းရင်းမြစ်များ

KUZOYA 9:27

Mlungu ndem'bonye Jafethi uchurikie, nao ukaieghe hemenyi ra Shemu, na Kanaani ukaie mzumba wake.”

1 WAZURI 10:1

Nao iji Malkia wa Sheba wasikira sare ya Solomoni, na seji umtasagha BWANA, ukacha Jerusalemu kumtima kwa makoto ghikurie.

1 WAZURI 10:22

Mzuri orekoghe na meli ra biashara rerekoghe rikidambanya baharinyi na meli ra Hiramu. Indo jimweri kula miaka idadu rerekoghe rikireda dhahabu, na feza, na mbembe ra chovu, na fuwe, na sawau.

1 WAZURI 22:48

Mzuri Jehoshafati orebonyereghe meli righendeghe Ofiri kupata dhahabu. Ela ndererevikieghe kwa kukaia rerekwamieghe Ezion-geberi.

1 WAZURI 8:41

“Wokoni mghenyi useko wa mbari ya wandu wako Israeli, ukacha kwa irina jako kufuma isanga ja kula,

ZABURI 48:7

Kukawitotesha sa meli ra Tarshishi, ritoteshwagha ni mbeo enona ya mashariki.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ZABURI 97:1

BWANA ni mzuri, wandu wa ndoenyi ndewizume; masanga gha pwani ndeghiboilo!

KUFUMA 33:19

BWANA ukamtumbulia, “Nichaghubonya wucha ghwapo ghose ghukirie imbiri kwako, nani nichajighora irina japo ja wueli ‘BWANA’ imbiri kwako. Nadawifuya wughoma na kuwiwonyera mvono awa niwikundagha.

MAKATANISHO 18:20

Mundu wadaghuda kufumanya na madedo ghake; wakatwa ni matunda gha agho udedie.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 2:16

Uchainja meli rose ra Tarshishi, na vilambo vose viboisiro vighokie.

ISAYA 24:15

Kwa huwo, mnekenyi BWANA wubaa kufuma mashariki, na wandu wikaiagha masanga gha pwani ndewijikase irina ja BWANA, uo Mlungu wa Israeli.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

ISAYA 43:4

Kwa kukaia koko wa zoghori mbaa mesonyi kwapo, na kwa kukaia nakukunde na kukuneka ishima, nichafunya wandu kwa wundu ghwako, na mbari ra wandu kwa wundu ghwa irangi jako.

ISAYA 43:6

Nichaizera kaskazinyi, wilekerie, na kusinyi nichaizera, Kusakewighiria! Redenyi wana wapo wa womi na wa waka kufuma aho kula kutuonyi kwa ndoenyi,

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 49:22

BWANA Mlungu waghora huwu: “Olenyi nichawiwusiria wandu wa iro mbari mkonu ghwapo, nipate kuwikunyiria na kiweto; nawo wichakuwunjira wana wako wa womi wikiwiduka laghenyi kwawo, na wana wako wa waka wikiwiduka maongenyi kwawo.

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

ISAYA 60:4

Wusira meso ghako kuzighane chia rose kuwone; wandu wako wose wakwanyika chiaimweri waawuyakuchea; wana wako wa womi wichacha kufuma kula, na wana wako wa waka wichadukwa mikonunyi.

ISAYA 60:6

Longo lwa ngamila richacha richuo kwako, wana wa ngamila wifumie Midiani na Efa; iro rose kufuma Sheba richakuchea. Richareda dhahabu na marumba, wikieresha agho makaso gha BWANA.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 30:19

Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.

EZEKIELI 39:7

Na irina japo ja wueli nichajimanyisha aghadi ya wandu wapo Israeli; hata sichaasigha irina japo jilusho sena, na iro mbari ra wandu wichamanya kukaia ini ne BWANA, uo Mweli wa Israeli.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

MIKA 7:12

Wandu wako wichakuwuria kufuma kula andu. Kufuma Ashuru noko cha mashariki, na kufuma Misri noko cha kusinyi, na kufuma isanga ja Moda ghwa Eufrate, kufuma bahari ra kula na mighondi iko kula.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ZEKARIA 14:14

Wandu wa Juda wichailuya Jerusalemu. Mali ya wandu wa mbari rose wiko mbai mbai ichakwanywa; dhahabu, feza, na marwao mengi nandighi.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WAGALATIA 4:26

Ela Jerusalemu ghwa mlungunyi ghooka huru, nagho nuo mao.

JOSHUA 9:9

Nao wikamzera, “Wadumiki wako dafuma kula na ndighi, kwa kukaia dasikire maza ra BWANA Mlungu onyu, na agho ghose ubonyere Misri,