ISAYA 60:6 - Biblia Ilagho Jiboie Kwa Wandu Wose

⁶ Longo lwa ngamila richacha richuo kwako, wana wa ngamila wifumie Midiani na Efa; iro rose kufuma Sheba richakuchea. Richareda dhahabu na marumba, wikieresha agho makaso gha BWANA.

ISAYA 60:6 ပူးပေါင်းရင်းမြစ်များ

KUZOYA 10:7

Wana wa Kushi ni: Seba, Hawila, Sabta, Raama, na Sabteka. Wana wa Raama ni Sheba na Dedani.

KUZOYA 25:13

Na marina ghawo nigho agha ghipangilo kunughana na kuvalwa kwawo: Nebaiothi mwana wa imbiri wa Ishmaeli, Kedari, Adbeeli, Mibsamu,

1 WAZURI 10:2

Orechanyeghe na wadumiki wengi, na ngamila raduka marumba, na dhahabu nyingi na magho gha zoghori mbaa. Hata iji wavika Jerusalemu, ukamghoria Solomoni agho ghose gherekoghe ngolonyi kwake.

2 WAZURI 8:9

Niko Hazaeli ukafuma ukidwa iro zawadi, vindo viboie va mbari rose vifumie Dameshki vadukwa ni ngamila mirongo ina. Ukaghenda naro kwa Elisha, ukakaia kimusi mnyangonyi kwake ukighamba, “Mwana wako Ben-hadadi, mzuri wa Siria, waniduma kwako ukikunda kumanya ngera ughu wukongo ghumkira.”

1 MALAGHO GHA NGELO 1:33

Wana wa Midiani ni: Efa, Eferi; Hanoku, Abida, na Eldaa. Awa wose werekoghe kivalwa cha Ketura.

2 MALAGHO GHA NGELO 9:1

Nao iji malkia wa Sheba wasikira sare ya Solomoni, ukacha Jerusalemu kumtima Solomoni na makoto ghikurie. Ukanughana na wadumiki wengi, na ngamila raduka vilungo na dhahabu nyingi na magho gha zoghori mbaa. Iji wacha kwa Solomoni, ukamja malagho ghose orekoghe nagho ngolonyi kwake.

ZABURI 67:4

Wandu wose ndewiboilo na kubora kwa kuboilwa, angu kwadatanya wandu kwa hachi, na kurighenja mbari ra wandu riko andoenyi.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ZABURI 72:15

Mzuri ndeduo moyo luma, uneko dhahabu ya Sheba! Malombi ndeghibonyo kwa wundu ghwake tulituli, na kurasimilwa dime dii.

ISAYA 30:6

Agha ni malagho gha Mlungu aighu ya nyamandu ra Negebu. “Wandu widumilo waidia isanga ja ndengwa andu kuko na shimba ra waka na ra womi, na choka riko na wusungu, na iro riburukagha. Waduka mali rawo na punda, na misigo yawo ya zoghori kwa ngamila, kuwighenjera wandu wisedimagha kuwitesia na ilagho jingi.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

EZEKIELI 27:22

Wandu wa biashara wa Sheba na Raama werebonyereghe biashara na oho; wikazoghorana na oho kwa vilungo vawo viboie va mbari rose, na magho gha zoghori mbaa na dhahabu.

ZEFANIA 3:10

Kufuma kimonu cha meda ya Kushi, wandu wapo wisasarikie wichacha na kuniredia mafunyo ghapo.

ZEKARIA 14:16

Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 2:11

wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.

WAROMA 15:9

na wandu wa mbari zima wiwonemkasa Mlungu kwa wundu ghwa wughoma ghwake. Sa iji koni iandikilo, “Kwa huwu, nichakukasa aghadi ya wandu wa mbari zima, na kubora makaso gha irina jako,”

WUKUMBUSO 32:43

“Suti muwikume wandu wa BWANA inyo mbari, wadawikaba awo wose wiwibwaghagha. Wadalipa kisasi kwa wamaiza wake na kuleka kaung'a ra wandu wake.”

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WATANYI 6:5

Werechieghe na mfugho rawo chiaimweri na hema rawo karakara na zighe. Werekoghe wengi wisetalikagha chiaimweri na ngamila rawo, wikajinona isanga iji werekoghe wikicha.

WATANYI 7:12

Wamidiani, Waamaleki, na wandu wose wa Mashariki werekoghe wachua vololonyi sa zighe kwa wungi ghwawo; na ngamila rawo rerekoghe nyingi risetalikagha, nyingi sa masangagha ghwa pwani kwa wungi ghwaro.