ISAYA 60:2 - Biblia Ilagho Jiboie Kwa Wandu Wose

² Ola ndoenyi kuchafinikirwa kira, na kira kibaa chichawifinikira wandu; ela oho, Mlungu uchakulangalishira mwengere, na wubaa ghwake ghuchawoneka aighu kwako.

ISAYA 60:2 ပူးပေါင်းရင်းမြစ်များ

1 WAZURI 8:11

jikang'ala-ng'ala kwa wubaa ghwa BWANA, hata wakohani wikalemwa ni kungiabonya kazi rawo.

ZABURI 102:16

Kwa kukaia BWANA uchaiagha Sioni, nao uchawonyera wubaa ghwake.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

ISAYA 4:5

Niko BWANA uchabonya aighu ya Mghondi ghose ghwa Sioni, na aighu ya ikwanyiko jose ja wandu, iwingu jiwoneke ngelo ya nadime, na mosi, na lumu lwa modo ghuakagha ngelo ya nakio; wubaa ghwa Mlungu ghuchafinikira ugho muzi sa chandarua na kughulindia.

ISAYA 58:10

na iji kwawineka vindo awo wisowagha, na kuwikatishira bea rawo awo wikorongelo. Aho niko kira chikumarie chia rose chichaaghaluswa chikaie sa mwengere ghwa dime ghadi.

ISAYA 58:8

“Aho niko mwengere ghwako ghuchang'ala-ng'ala sa kuela kwa ndoe, na oho kuchaboiswa shwa wori. Hachi yako ichakukiria imbiri kwako, na wubaa ghwapo ini BWANA ghuchakaia nanyuma yako kukulindia.

ISAYA 62:1

Sichaanyama kima kwa wundu ghwa Jerusalemu, hata sichaahora kwa wundu ghwake, hata hachi yake iwoneke worinyi sa mwengere, na kukia kwake kung'ale-ng'ale sa taa.

ISAYA 66:11

Mchaghuda mecha ghake sa mwana uongagha mariwa ghihorie kwa mae; na kuboilwa kufumanya na ugho wungi ghwa wubaa ghwake.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

EZEKIELI 10:4

Wubaa ghwa BWANA ghukajoka kufuma kwa agho makerubi, hata mnyangonyi ghwa Hekalu, na iwingu jikachua andenyi ya Hekalu; waza ikachulwa ni mwengere ghwa wubaa ghwa BWANA.

WALAWI 9:23

Musa na Haruni wikangia cha Hemenyi ekwania; hata iji wafuma, wikawirasimia wandu, na wubaa ghwa BWANA ghukawichea wandu wose.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MITALO 16:19

Na Kora ukajikwanya izungu jose ja wandu mnyangonyi ghwa Hema ekwania kuwilangaya Musa na Haruni; na ugho wubaa ghwa BWANA ghukawoneka izungunyi jose ja wandu.

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

MATHAYO 23:19

Wandu mfue meso inyo! Kibaa ni chiao? Ni jija ifunyo angu madhabahu agho ghibonyagha ijo ifunyo kukaia jielie?

MATHAYO 23:24

Vilongozi mfue meso inyo! Muinjagha rwai na kumila ngamila!

JOHANE 1:1

Aho kuzoenyi, Ilagho orekoghe aeni, na Ilagho orekoghe andwamweri na Mlungu, nao orekoghe ni Mlungu moni.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

MABONYO GHA WADUMI 14:16

Kwa vivalwa viidie, uo moni orewisighieghe wandu wa mbari rose wighende sa iji werekundieghe weni.

MABONYO GHA WADUMI 17:23

Angu iji nerekoghe ngiida, na kuzighana andu konyu kotasira, nerewonieghe madhabahu iandikilo, ‘KWA UO MLUNGU USEMANYIKAGHA.’ Kwa huwu uo mwawuyamtasa msemmanyagha, nuo moni nawuyamchilia.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.