ISAYA 60:18 - Biblia Ilagho Jiboie Kwa Wandu Wose

¹⁸ Lwaka lokorongwa ndeluchaasikirika isangenyi kwako, hata kudwalwa wunyika na kutoteshwa ndevichaawoneka andenyi ya mano yako. Wurigha ghwako kuchaghuwanga, ‘Kukia;’ na mbenge rako kuchariwanga, ‘Makaso.’

ISAYA 60:18 ပူးပေါင်းရင်းမြစ်များ

2 SAMUELI 7:10

Sena nichawisaghuya wandu wapo Israeli andu nichaawiwika, wipate kukaia andu kwawo koni wisechaasumbulwa ni mndungi sena; hata wandu wawiwi ndewichaawikoronga sena sa kala,

ZABURI 147:14

Wailindia mipaka yako; na kukughudisha na ngano iboie kuchumba.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 26:1

Ngelo iyo, wandu wa isanga ja Juda wichabora lumbo ulu: Deko na muzi ghumange, Mlungu waghuwikia kukia kwake sa ngome imange.

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 51:19

Kwapatiro ni malagho awi, wasi na kunoneka, njala na wuda; ndekuwadie mndungi okuhoresha.

ISAYA 54:14

Kuchamangishwa kwa hachi, na makorongo ghichakaia kula na oho, kwa kukaia ndekuchaakaia na wowa, hata kiture; angu vichakaia kula na oho.

ISAYA 56:5

irina jake uo, jichaandikwa na kukumbukwa andenyi ya Hekalu yapo na wurighenyi ghwaro, kuchumba awo wiko na wana wa womi na wa waka, nao na jingi ndechaaliwa anduangi.”

ISAYA 60:11

Minyango yako ichakaia iari ngelo rose, ndeichaarughwa nadime hata nakio anduangi; eri wandu wa iro mbari wipate kukuredia mali, wikilongozwa ni wazuri wawo.

ISAYA 60:17

“Nichakuredia dhahabu wulalo ghwa shaba, na feza wulalo ghwa chuma; nichakuredia shaba wulalo ghwa mbau, na chuma wulalo ghwa igho; nichawibonya wabaa wako wiikunde sere, na wanyapara wako wiikunde hachi.

ISAYA 61:11

Sa iji koni ndoe ibusagha miwalwa, na sa iji koni mbuwa ibonyagha mbeu riwalo ribuke ni huwo koni BWANA uibonyagha hachi na makaso ghiwoneke worinyi kwa mbari rose.

ISAYA 62:10

Inyo wandu wa Jerusalemu, fumenyi m'boise chia, boisenyi chia mbaa, muinje magho, wandu wenyu wiwuyagha wipate kungia; josenyi kiweto wandu wipate kuwona.

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

ISAYA 62:7

hata msemsighe BWANA uhore, hata wameria kuimangisha Jerusalemu, na kuibonya ikaie ekaswa ndoenyi.

EZEKIELI 42:20

Ukapima chuwaru ra kiwacha rose inya. Icho kiwacha cheremariloghe ni wurigha, nagho ghorekoghe na wulacha ghukatane na wushapa; meta maghana awi na mirongo misanu kwa maghana awi na mirongo misanu. Ugho wurigha ni kwa wundu ghotanya andu kwa wueli na andu kwa wandu wose.

MIKA 4:3

Uchatanya aghadi ya wandu wa mbari nyingi na aghadi ya wandu wiwadie ndighi kula na kaavui. Wichachana chufu rawo riwuye maghembe, na mafumu ghawo ghiwuye mindu. Mbari nderichaalwa reni na reni, hata nderichaakufundisha kulwa wuda sena anduangi.

ZEFANIA 3:19

Ngelo yaawuyacha; nichawikaba wakorongi wako. Nichawivuvua watighini wose, na kuwighalisha wose weredwaloghe wunyika. Waya ghwaro ghuchaghaluswa kunekwa ishima na wurumwengu ghose ghuchawikuma.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

ZEKARIA 2:9

BWANA moni uchalwa nenyo, nenyo mchasokwa vilambo ni awo morewibonyereghe wadumiki wenyu.” Niko mchaamanya kukaia BWANA Uwadie-Ndighi-Rose wanidumie.

ZEKARIA 9:8

Nichajilindia isanga japo, na kulegha ijeshi jingi jiseide aghadi yaro. Sichaasigha mkorongi ungi uwikoronge wandu wapo kwa kukaia namerie kuwona seji wandu wapo wikorongelo.”