ISAYA 60:16 - Biblia Ilagho Jiboie Kwa Wandu Wose

¹⁶ Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

ISAYA 60:16 ပူးပေါင်းရင်းမြစ်များ

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 19:20

Ichakaia alama na wushahidi kwa BWANA wa majeshi andenyi ya isanga ja Misri; nawo wikamkemia BWANA kwa wundu ghwa wakorongi, uchawidumia mkiri, nao uchawilindia na kuwikira.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 29:24

Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 43:11

“Ini, ee, ini ne BWANA; ndeuko mkiri ungi mzima kuchumba ini anduangi.

ISAYA 45:15

Kwa loli oho ko Mlungu wa Israeli, kukuvisagha kumoni, ee Mlungu na Mkiri wa Israeli.

ISAYA 45:21

Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 52:6

Kwa huwo wandu wapo wichanimanya ituku jija kukaia, ni Ini nidedagha, na ni Ini niko aha.”

ISAYA 59:20

BWANA waghamba, “Nichacha Jerusalemu kumkombua inyo kivalwa cha Jakobo, mghalukagha na kusigha makosa ghenyu.

ISAYA 60:17

“Nichakuredia dhahabu wulalo ghwa shaba, na feza wulalo ghwa chuma; nichakuredia shaba wulalo ghwa mbau, na chuma wulalo ghwa igho; nichawibonya wabaa wako wiikunde sere, na wanyapara wako wiikunde hachi.

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

ISAYA 63:8

Mlungu oreghambieghe, “Kwa loli awa ni wandu wapo, wana wisedimagha kughora tee;” nao ukawuya Mkiri wawo.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

JEREMIA 15:21

Nichakukira kufuma mikonunyi ya wandu wawiwi, na kukukombua kufuma kwa wakorongi.”

EZEKIELI 34:30

Nawo wichamanya kukaia ini BWANA Mlungu wawo neko chiaimweri nawo, na awo wandu wa Israeli kukaia wandu wapo, ini Bwana MLUNGU naghamba.

WUFUNUO 21:24

Wandu wa mbari rose wichaghenda kwa mwengere ghwaro, na wazuri wa ndoenyi wichareda mali rawo andenyi ya ugho muzi.

WUFUNUO 21:26

Wandu wa mbari rose wichaghuredia ugho muzi mali rawo, na ishima.