ISAYA 60:1 - Biblia Ilagho Jiboie Kwa Wandu Wose

¹ Wuka ee Jerusalemu kung'ale-ng'ale, angu mwengere ghwako ghwameria kucha; na wubaa ghwa BWANA ghwameria kukaia aighu kwako.

ISAYA 60:1 ပူးပေါင်းရင်းမြစ်များ

ZABURI 102:16

Kwa kukaia BWANA uchaiagha Sioni, nao uchawonyera wubaa ghwake.

ZABURI 87:3

Malagho mecha ghaghorwa aighu yako, ee muzi ghwa Mlungu.

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 28:5

Ngelo iyo, BWANA wa majeshi uchawuya nuo kirumbu cha wubaa, na kiremba chiboie kwa masighariko gha wandu wake;

ISAYA 35:2

jichafunya mboi kwa wungi, na kuboilwa; jikizuma na kubora. Ijo ikara jichaghoka sa mighondi ya Lebanoni, na kuboa sa mbuwa ra Karmeli na Sharoni. Wandu wose wichaghuwona wubaa ghwa BWANA na ndighi ra Mlungu odu.

ISAYA 4:5

Niko BWANA uchabonya aighu ya Mghondi ghose ghwa Sioni, na aighu ya ikwanyiko jose ja wandu, iwingu jiwoneke ngelo ya nadime, na mosi, na lumu lwa modo ghuakagha ngelo ya nakio; wubaa ghwa Mlungu ghuchafinikira ugho muzi sa chandarua na kughulindia.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 58:8

“Aho niko mwengere ghwako ghuchang'ala-ng'ala sa kuela kwa ndoe, na oho kuchaboiswa shwa wori. Hachi yako ichakukiria imbiri kwako, na wubaa ghwapo ini BWANA ghuchakaia nanyuma yako kukulindia.

ISAYA 62:1

Sichaanyama kima kwa wundu ghwa Jerusalemu, hata sichaahora kwa wundu ghwake, hata hachi yake iwoneke worinyi sa mwengere, na kukia kwake kung'ale-ng'ale sa taa.

ISAYA 62:2

Mbari ra wandu richawona hachi yako, na wazuri wichaghuwona wubaa ghwako; na oho kuchawangwa irina iwishi, jichaaghorwa ni BWANA moni.

ISAYA 66:11

Mchaghuda mecha ghake sa mwana uongagha mariwa ghihorie kwa mae; na kuboilwa kufumanya na ugho wungi ghwa wubaa ghwake.

ISAYA 9:2

Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

EZEKIELI 43:4

Nao ugho wubaa ghwa BWANA ghukaidia ija mbenge iko chia ya mashariki, na kungia andenyi ya Hekalu.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

JOHANE 1:9

Ugho mwengere ghorekoghe ghwa loli, ghuchee wurumwengunyi kumlangalishira kula mdamu.

JOHANE 12:46

Ini nachee kukaia mwengere wurumwengunyi, eri uhu unirumiriagha usesigharike kirenyi.

JOHANE 3:19

Nako kutanywa niko uku: Mwengere ghwameria kucha wurumwengunyi, ela wandu wikachikunda kira kuchumba mwengere, angu mabonyo ghawo gherekoghe ghizamie.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

WAEFESO 5:14

Niko huwu ighorelo, “Wuka ee mundu kulalagha kuruke kufuma kwa wafu na Kristo uchakulangalishira mwengere.”

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.

WUFUNUO 21:11

ghuking'ala-ng'ala kwa wubaa ghwa Mlungu; mwengere ghwaro ghorekoghe sa igho ja zoghori mbaa, sa igho jiwangwagha jaspi, jielie sa kilole.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.