ISAYA 6:5 - Biblia Ilagho Jiboie Kwa Wandu Wose

⁵ Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

ISAYA 6:5 ပူးပေါင်းရင်းမြစ်များ

KUZOYA 32:31

Iruwa jerekoghe jajoka iji Jakobo orefumagha Penieli, ukaghenda ukitighina kwa wundu ghwa bara yake.

ZABURI 24:10

Uo Mzuri wa wubaa nani? BWANA wa majeshi nuo Mzuri wa wubaa.

KUFUMA 24:10

wikammbona Mlungu wa Waisraeli. Andu orewadirieghe korekoghe seji ni sakafu ya magho gha zoghori gha buluu sa mawingunyi.

KUFUMA 3:6

Ukaghamba, “Ini ne Mlungu wa ndeyo, Mlungu wa Abrahamu, Isaaka, na Jakobo.” Musa ukafinikira wushu ghwake angu oreobueghe kumzighana Mlungu.

KUFUMA 33:20

Ela ndekuchaaniwona wushu ghwapo, kwa kukaia ndekuwadie mndungi udimagha kughuwona wushu ghwapo nao ukaie moyo.”

KUFUMA 4:10

Ela Musa ukaghamba, “Ee, BWANA, wapo, ini siichi kudeda, hata sidimie kudeda nicha kufuma kwazoya kughora nani mdumiki wako; nadadeda mboa mboa, sena nadaghughumia.”

KUFUMA 6:12

Ela Musa ukamzera BWANA, “Zighana wandu wa Israeli weni ndewinisikire ini, da Farao udima kunisikira wada nani ne mundu useichi kudeda?”

KUFUMA 6:30

Ela Musa ukamzera, “Ola ini ne mundu niseichi kudeda, mzuri uchanisikira wada?”

ISAYA 24:16

Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

ISAYA 33:17

Meso ghako ghichammbona mzuri ukasikie, uko na wubaa mungi; na kuzighana isanga ibaa.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

JEREMIA 1:6

Niko ngaghamba “Ai, Bwana MLUNGU! Ola ini siichi kudeda, kwa kukaia ne mwana tu!”

JEREMIA 51:57

Nichawiwongera wabaa wake na wandu wake wa hikima, wabonyi nguma wake, na wabaa wake wa majeshi, na masikari ghake; wichalala putu wisechaawuka sena, Ini Mzuri, niwangwagha BWANA wa majeshi, naghamba.

EZEKIELI 12:2

“Mwana wa mdamu, oho kwadakaia aghadi ya wandu welegha. Wawadie meso, ela ndewiwonagha; wawadie madu, ela ndewisikiragha, kwa kukaia, awo ni wandu welegha.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

MITALO 17:12

Wandu wa Israeli wikamzera Musa, “Ola isi daakola dafwa, disia diwose putu.

WATANYI 13:22

Manoa ukamzera mkake, “Kwa loli daakola dafwa, angu dammbona Mlungu.”

WATANYI 6:22

Niko Gideoni ukamanya angu uja ni malaika wa BWANA, ukaghamba, “Oe! E BWANA Mlungu! Nammbona malaika wa BWANA kwa wushu.”