ISAYA 6:2 - Biblia Ilagho Jiboie Kwa Wandu Wose

² A naighu kwake, korekoghe na maserafi; na kula umu orekoghe na mawawa arandadu. Mawawa awi ni ghefinikira wushu ghwake, na awi ghefinikira maghu ghake, na awi gheburuka.

ISAYA 6:2 ပူးပေါင်းရင်းမြစ်များ

KUZOYA 17:3

Abramu ukaghwa kiwushu-wushu na Mlungu ukamzera,

1 WAZURI 19:13

Elija uendasikira ulo lwaka, ukafinikira wushu ghwake na shuka; ukafuma na kukaia kimusi mnyangonyi ghwa mbanga. Lukacha lwaka lukamzera, “Niki kubonyagha aha Elija?”

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

1 WAZURI 6:24

Mawawa gha agho makerubi gherekoghe na wulacha ghwa meta iwi na pointi iwi kula jimu; kipimo cha mawawa ghose kufuma mudo ghwa iwawa jimu hata mudo ghwa jija iwawa jimu ni meta inya na pointi inya.

1 WAZURI 6:27

Solomoni ukariwika iro fwana ra makerubi andenyi ya Andu kwa Wueli Kuchumbie, eri mawawa ghawo ghighorokie ghiadadane ghadi na ghadi, na kutuonyi kwa mawawa ghawo, ghiadade wurigha ghwa chumba ii chia na ii chia.

1 WAZURI 8:7

Makerubi ghereghorueghe mawawa ghawo naighu ya iyo Sanduku na midi yaro eiduka.

NEHEMIA 9:6

Niko wandu wa Israeli wikalomba huwu: “Oho BWANA, ni oho kuekeri kuko BWANA; korebonyereghe ndoe na bahari na vose viko andenyi yaro; kukawineka wose irangi. Ijeshi jose ja mlungunyi jaghoghoma kukutasa oho.

AYUBU 1:6

Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

AYUBU 15:15

Mlungu ndewirumiriagha weke malaika wake; hata ndewielie imbiri kwake anduangi.

AYUBU 4:18

Mlungu ndewirumiriagha wadumiki wake wa mlungunyi; hata malaika wake wawiwonagha makosa.

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

ZABURI 104:4

Kwadatumia mbeo sa wadumwa wako, na luhehia sa wadumiki wako.

ZABURI 18:10

Ukajoka aighu ya ikerubi, ukaburuka; ukaghenda shwa-shwa aighu ya mawawa gha mbeo.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

KUFUMA 25:20

Iro fwana ra makerubi richakaia raghorua mawawa ghawo aighu ya icho kifumbi cha wughoma na kuchingira kiju; naro richakaia rikilangayana aighu ya icho kifumbi cha wughoma.

KUFUMA 3:6

Ukaghamba, “Ini ne Mlungu wa ndeyo, Mlungu wa Abrahamu, Isaaka, na Jakobo.” Musa ukafinikira wushu ghwake angu oreobueghe kumzighana Mlungu.

KUFUMA 37:9

Agho makerubi ghikaghorua mawawa ghawo ghikilangayana aighu ya icho kifuniko, na kuchibonyera kiju; mawushu ghawo ghikizighana icho kifuniko.

ISAYA 6:6

Niko umu wa maserafi ukaburuka cha kwapo uwadie ika ja modo kwa koleo kufuma madhabahunyi.

EZEKIELI 1:11

Huwo niko mawushu ghawo gherekoghe. Mawawa ghawo ghereghorokieghe noko ighu; kula nyamandu erekoghe na mawawa awi, kula iwawa jimu jikiadada iwawa ja mmbao; na ghaja mawawa ghamu awi gherefinikireghe mimbi yawo.

EZEKIELI 1:24

Hata iji rerekoghe rikighenda, neresikireghe lwaka lwa mawawa ghawo sa lwaka lwa machi mengi, sa lukuwa lwa Uo Uwadie Ndighi Rose; ndoghoi yaro sa lwaka lwa ijeshi. Ngelo rakaia kimusi, rikakucha mawawa ghawo.

EZEKIELI 1:4

Na iji nerekoghe ngizighana, ngawona kiremba kibaa cha mbeo chikiweta chia ra kaskazinyi, na iwingu ibaa jiko na mwengere ghujimarie chia rose; na modo ghukikumba lumu ngelo rose, na ghadi na ghadi ya ugho modo, kilambo chimu cherekoghe chiking'ala-ng'ala sa shaba.

EZEKIELI 1:6

ela kula imu erekoghe na mawushu ana, na mawawa ana.

EZEKIELI 1:9

Mawawa ghawo ghereadadaneghe, kula imu erekoghe ikighenda kiimbiri kuseko na kughaluka.

EZEKIELI 10:16

Iji agho makerubi ghereghendieghe, ghereghendanyeghe na magurudumu ghiko chuwarunyi kwawo. Wokoni iji gherewusireghe mawawa ghawo kujoka nokoighu, agho magurudumu ndegherefumieghe chuwarunyi kwa agho makerubi ela gherejokieghe chiaimweri nagho.

EZEKIELI 10:21

Kula jimu jaro jerekoghe na mawushu ana, na mawawa ana; na aisi ya agho mawawa korekoghe na vilambo viwonekagha sa mikonu ya wadamu.

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

DANIELI 9:21

Hata iji nerekoghe ngilomba, uo mundu Gabrieli neremmbonieghe andenyi ya mawono kiimbiri, ukanichea shwa ukiburuka, ngelo efunya kizongona cha nakenyi.

ZEKARIA 3:4

Malaika ukawizera wambao werekoghe kimusi imbiri kwake, “Mruonyi iro nguwo rilue.” Ukamzera Joshua, “Ola nakuinjira kaung'a yako, nani nichakurusha nguwo ra zoghori mbaa.”

LUKA 1:10

Ngelo iyo efukira marumba, izungu jose ja wandu jerekoghe cha shighadi jikilomba Mlungu.

WAEBRANIA 1:7

Na kwa weke malaika waghamba huwu, “Mlungu wawibonya weke malaika wake wiwue mbeo, na wadumiki wake wiwue chumu ra modo.”

WUFUNUO 14:6

Niko ngawona malaika umu ukiburuka mbeonyi, uko na Ilagho Jiboie ja kala na kala; upate kuwichilia awo wikaiagha ndoenyi wa kula mbari, kichuku, kiteto, na wandu;

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 7:11

Na weke malaika wose wikakaia mbai mbai ya icho kifumbi cha nguma, na mbai mbai ya awo waghosi, na iro nyamandu riko moyo inya; nawo wikaghwa kijimijimi imbiri ya icho kifumbi cha nguma, na kumtasa Mlungu

WUFUNUO 8:13

Niko ngazighana, nani ngasikira indu ikikema na lwaka lubaa ngelo erekoghe ikiburuka koighu mbeonyi, “Ni bugha! Ni bugha! Ni bugha kwa awo wandu wikaiagha ndoenyi, ingelo weke malaika wamu wadadu wakakaba tarumbeta rawo!”