ISAYA 6:13 - Biblia Ilagho Jiboie Kwa Wandu Wose

¹³ Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

ISAYA 6:13 ပူးပေါင်းရင်းမြစ်များ

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

EZRA 9:2

Wayahudi walowue wai wamu wawo; mbari ya wueli ikakuranganya na waisanga wa aha. Vilongozi na wabaa niwo wa imbiri kubonya maza iri.

EZRA 9:8

Ela idana kwa ngelo vui ee BWANA Mlungu odu, kwadiwonyere mvono mungi kodu; kukadisigha wamu wedu difufunuke kufuma wuzumbenyi, na kukaia kwa sere andenyi ya iji isanga ja wueli. Kwadibonyere difume wuzumbenyi, kukadineka irangi iwishi.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 4:3

Kula mundu uchaasigharika Sioni na Jerusalemu, uo usaghulo ni Mlungu ukaie moyo, uchawangwa mweli,

EZEKIELI 6:8

“Ela sena nichasighara wamu wenyu wikaie moyo. Na awo wichaafufunuka wisebwaghilo aghadi ya iro mbari ra wandu, wichasaghisika masangenyi.

AMOSI 5:3

Bwana MLUNGU waghamba, “Muzi ghwa Israeli ghudumagha masikari elfu imweri wudenyi ghuchawurilwa ni masikari ighana jimweri tu; na ugho ghudumagha ighana, ghuchawurilwa ni ikumi tu.”

MIKA 5:6

Wichamsima Muashuri, ijo isanga ja Nimrodi, nawo wichadikira disekabo ni Waashuru iji wangia isangenyi kodu.

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

ZEKARIA 13:8

na mafungu awi gha kadadu ghichafwa isangenyi kose, ifungu jimweri jichasigharika moyo.

MALAKI 2:15

Welee, Mlungu nderemfungieghe mkakaia kindo chimweri roho na mumbi? Makusudi ghake gherekoghe kii? Odekunda mpate wana wichaawuya wandu wa Mlungu kwa loli. Kwa huwo mlindie ungi onyu usechikanye malaghiro ghake, sena ukaie mloli kwa mkake.

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MARKO 13:20

Na ngera Bwana usereghipunguzireghe matuku agho, kumangu mndungi ndekiagha anduangi. Ela kwa wundu ghwa waja wasaghulwa orewisaghueghe, waghipunguza matuku agho.

WAROMA 9:5

na awo weke wawa ni wawo, na kufuma kwawo orevaloghe Kristo kwa chia ya mumbi. Mlungu uo uko aighu ya vose ndekaso kwa kala na kala. Amen.

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

WUKUMBUSO 7:6

Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.