ISAYA 6:11 - Biblia Ilagho Jiboie Kwa Wandu Wose

¹¹ Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

ISAYA 6:11 ပူးပေါင်းရင်းမြစ်များ

ZABURI 74:10

M'maiza ukuseka hata lii ee Mlungu? Welee, m'maiza uajisholia irina jako matuku ghose?

ZABURI 79:5

Kudibonyera machu hata lii ee BWANA? Kuadibonyera machu kwa kala na kala? Kuawadwa ni iriso hata kujoko ni machu ghiakagha sa modo?

ZABURI 90:13

Kudibonyera machu hata lii ee BWANA? Ghaluka kudiwonie wughoma isi wadumiki wako.

ZABURI 94:3

Wawiwi wiboilwa hata lii? Wiboilwa hata lii BWANA?

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 13:12

Nichawibonya wadamu wisigho watini kuchumba dhahabu ieleshero, na watinieri kuchumba dhahabu ya Ofiri.

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

ISAYA 35:1

Kireti na isanga jiomie jichakaia na kuboilwa, ikara jichaboilwa na kufunya mboi sa ra waridi;

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

ISAYA 60:15

“Sa iji koni korelegheloghe na kumenywa, kukasowa hata mndungi oidiria kwako; niko koni nichaakubonya kuwoneke wa wubaa na kuboilwa kwa kala na kala.

ISAYA 64:10

Mizi yako ya wueli eewuya sa kireti, Sioni eewuya kireti, Jerusalemu ikasighwa duu.

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 44:2

“BWANA wa majeshi, Mlungu wa Israeli ukaghamba mwamerie kuwona wuwiwi ghose nereghuredieghe aighu ya Jerusalemu, na aighu ya mizi yose ya Juda. Zighanenyi idime eeka miduu isewadie mndungi wawuyakaia aho,

JEREMIA 52:27

Niko mzuri wa Babuloni ukawikaba na kuwibwagha aho Ribla isanga ja Hamathi. Kwa huwo wandu wa Juda wikadwalwa wunyika kufuma isangenyi jawo.

EZEKIELI 6:6

Andu uko kose muko, mizi yenyu ichasighwa miduu, na andu konyu kotasira mighondinyi kuchanonwa, eri madhabahu renyu ripate kunonwa na kusaghiswa; na milimu yenyu kuchikanywa na kunonwa; madhabahu renyu refukiria marumba richachikanywa, na vilambo muvibonyere viinjo putu.

DANIELI 8:13

Niko ngasikira malaika umu ukimkotia mmbao, “Agha mawono gha vizongona vekora va ituku ituku, na makosa ghishekeriagha kusowekelwa na uko kuisigha Hekalu, na majeshi kufashwa-fashwa ghidwa ngelo ing'ane wada?”

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

MIKA 5:11

Nichaitotesha mizi ya isanga jako na kuchikanya mawurigha ghako.

MIKA 6:13

Kwa huwo nazoya kubonya mipango ekunona na kukutotesha kwa wundu ghwa kaung'a rako.

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

WUKUMBUSO 28:63

Na sa iji koni erem'boieghe BWANA kum'bonyera mecha na kum'bonya mchurikie, huwo koni icham'boia kumnona na kumtotesha; nenyo mchainjwa isangenyi ijo mwawuyangia kujiwusa.