ISAYA 6:1 - Biblia Ilagho Jiboie Kwa Wandu Wose

¹ Mwaka ghuja Mzuri Uzia orefueghe, neremmbonieghe BWANA uko kidombo aighu ya kifumbi chake cha nguma chiwusirilo ighu, na irwao jake jerechueghe Hekalunyi.

ISAYA 6:1 ပူးပေါင်းရင်းမြစ်များ

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

2 WAZURI 15:7

Uzia ukafwa sa weke ndee, wikamrika ahoeni mzinyi ghwa Daudi; mwana wake Jothamu ukabonya nguma wulalo ghwake.

2 MALAGHO GHA NGELO 18:18

Mikaia ukaghamba, “Kwa huwo sikirenyi ilagho ja BWANA: Neremmbonieghe BWANA uko kidombo kifumbinyi chake cha nguma, na majeshi ghose gha mlungunyi ghakaia kimusi chia ya mkonu ghwake ghwa kiwomi na ghwa kiwaka;

AYUBU 42:5

Ini nedesikira malagho ghako ghikighorwa, ela idana nakuwona na meso ghapo.

ZABURI 108:5

Wonyera wudimi ghwako aighu mawingunyi ee Mlungu, na wubaa ghwako aighu ndoenyi kose.

ZABURI 113:5

Ndekuwadie ungi uko sa BWANA Mlungu odu. Wadakaia ighu koighu,

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

KUFUMA 24:9

Niko Musa, Haruni, Nadabu, Abihu, na vilongozi va Waisraeli, wandu mirongo mfungade wikajoka koighu mghondinyi;

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 12:4

Na ituku ijo mchabora huwu: “Funyenyi chawucha kwa BWANA mujiwangie irina jake, ghorenyi malagho gha mabonyo ghake kwa iro mbari ra wandu, ghorenyi kukaia irina jake ni ibaa.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

EZEKIELI 1:1

Ituku ja kasanu ja mori ghwa kana, mwaka ghwa mirongo idadu, iji nerekoghe Moda ghwa Kebari, aghadi ya wandu wa Israeli weredwaloghe wunyika, mlungunyi korerughuloghe, ngawona mawono gha Mlungu.

EZEKIELI 10:1

Niko ngazighana, ngawona aighu mawingunyi gherekoghe naighu ya vongo va makerubi, kilambo chimu chifwanane na kifumbi cha nguma chibonyero na igho ja safire.

EZEKIELI 10:4

Wubaa ghwa BWANA ghukajoka kufuma kwa agho makerubi, hata mnyangonyi ghwa Hekalu, na iwingu jikachua andenyi ya Hekalu; waza ikachulwa ni mwengere ghwa wubaa ghwa BWANA.

DANIELI 10:17

Ini mdumiki wako, nidima wada kudedanya na oho bwana wapo? Ndighi raanisiria putu, hata miruke eni sina.”

DANIELI 7:9

“Nao iji nerekoghe ngizighana, vifumbi va nguma vikawikwa; na uo mundu wa matuku mengi ukaseria chake. Nguwo rake rerekoghe ra chokwa sa theluji, na iridia jake jerekoghe sa sufu ieleshero. Kifumbi chake cha nguma cherekoghe chumu ra modo, na magurudumu gha icho kifumbi gherekoghe modo ghuakagha.

MITALO 12:8

Nadaghora nao wushu kwa wushu, worinyi, si kwa kiviso anduangi; nao wawonagha fwana ya BWANA. Kwaki sena msereobuagha kughora kiwiwi aighu ya mdumiki wapo Musa?”

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

WUFUNUO 15:8

na hekalu ikachua mosi ghufumie kwa ugho wubaa ghwa Mlungu, na uko kudima kwake; na mndungi nderedimieghe kungia hekalunyi, hata makabo gha weke malaika mfungade ghikatie.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:2

Na shwa wori ngakaia andenyi ya Roho; nao ola ngawona kifumbi cha nguma mlungunyi chaserelwa ni mndumu!

WUFUNUO 4:3

Na uo orechiserieghe, orewonekieghe sa magho gha zoghori mbaa ghiwangwagha jasperi na karneliani, na mbai-mbai ya icho kifumbi, korekoghe na lusenge lwa vua luwonekagha sa igho ja zumaridi.

WUFUNUO 4:9

Hata iro nyamandu riko moyo rikameria kumneka wubaa na ishima na chawucha, uo uko kidombo kifumbinyi cha nguma, uo uduagha moyo kwa kala na kala,

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 5:7

Ukaghenda na kuchiwada icho chuo kufuma mkonunyi ghwa kiwomi, ghwa uo oreserieghe kidombo aighu ya icho kifumbi cha nguma.

WUFUNUO 6:16

wikiwanga mighondi mibaa na magho kwa kughamba, “Dighuenyi mdifinikire disewono ni uo useagha kidombo aighu ya kifumbi cha nguma, na uo Mwana wa Ng'ondi uko na machu mabaa;