ISAYA 59:7 - Biblia Ilagho Jiboie Kwa Wandu Wose

⁷ Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

ISAYA 59:7 ပူးပေါင်းရင်းမြစ်များ

MAKATANISHO 1:16

Waawuyakimbia wibonye mawiwi; nawo waawuyashashira kudia bagha.

MAKATANISHO 15:26

Maghesho gha mundu mmbiwi ghadamzamia BWANA, ela wadaboilwa ni malagho gha mundu uelie.

MAKATANISHO 24:9

Kula mpango ghuririkanywagha ni mkelu, ni kaung'a, na mundu odema sare wadazamia wandu.

MAKATANISHO 6:17

kuzighana kwa lukaso, kughora tee, kubwagha mundu usewadie ikosa;

MAKATANISHO 6:18

ngolo ebonya njama mbiwi, shashira ekunda kubonya mawiwi,

ISAYA 15:5

Ngolo yapo ialilia isanga ja Moabu, wandu wake wiakimbiria isanga ja Soari na Eglathi-shelishia, wamu wiajokeria na mshoromoto ghwa Luhithi wikilila, na wamu wiaghenda wikilila kwa wasi cha Horonaimu.

ISAYA 32:6

Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 60:18

Lwaka lokorongwa ndeluchaasikirika isangenyi kwako, hata kudwalwa wunyika na kutoteshwa ndevichaawoneka andenyi ya mano yako. Wurigha ghwako kuchaghuwanga, ‘Kukia;’ na mbenge rako kuchariwanga, ‘Makaso.’

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

ISAYA 66:4

Ini wori nichawisaghuya matiriro ghewingira wowa, kwa kukaia iji nerewiwangieghe ungi wawo nderedikieghe; iji nereghorieghe nawo ndekuwadie ungi orenisikireghe, ela werebonyereghe agho ghiko mawiwi imbiri kwapo, na kusaghua maza riseniboiagha.”

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

JEREMIA 41:7

Wiendangia mzinyi, Ishmaeli mwana wa Nethania chiaimweri na wandu orekwanyeghe nawo, wikawibwagha na kuwikumba kisimenyi.

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

EZEKIELI 18:12

na kumkoronga mkiwa usowagha, na kusoka, usewunjagha wufunga ghwa kilambo orekopeshereghe, utasagha milimu na kubonya wuchafu.

EZEKIELI 22:6

Wabaa wose wa Israeli wiko kwako weekurumiria weni, nawo watumia ndighi rawo kubwagha wandu.

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

MATHAYO 2:16

Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri.

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.